Törek matbuğatına küzätü 31.08.2014

“Milliyät” gazetı İlbaşı sarayındağı wazifanı tapşıru-qabul itü tantanasında alman xökümäten wäkillek itep, qatnaşqan Germaniya Kantslerı urınbasarı häm eçke eşlär ministrı Thomas de Maiziere Törkiyäneň eçke eşlär ministrı Efkan Ala belän irtänge aş mäclesendä küreşep söyläşüen yaza.

Gazet söyläşüdä, ayıruça, Germaniyaneň Törkiyädäge telefon söyläşülären tıňlawı turındağı xäbärlär quzğatılğan waqıtta mäs’älälärneň yäşeren buluı arqasında aş mäclesendä xezmät kürsätüçelärneň söyläşü urınına kertelmäweneň iğtibarnı cälep itüen belderä.

Xäbärdä Törkiyäneň eçke eşlär ministrı Efkan Alanıň Törkiyädäge söyläşülärne tıňlawnıň “qabul itelä alınmas” buluın citkergän waqıtta ike il küzläw oyışmalarınıň mäs’älä belän bäyle söyläşülärne başlatuların aňlatuı urın ala.

“Xörriyät” gazetı “Törek tözüçeläre dönyada ikençe” isemle xäbärendä xalıqara tözeleş tarmağı jurnalı “ENR” açıqlağan “Dönyanıň iň zur 250 xalıqara podryadçikları” isemlegendä 2012nçe yılğı kürsätkeçlärgä kürä 38 bulğan törek şirkätlär sanınıň 2013nçe yılğı kürsätkeçlärgä kürä 2014tä 42gä citüen yaza.

Gazet bu kürsätkeç belän Törkiyäneň 62 şirkät belän isemlektä berençe bulğan Qıtaydan soň dönyada ikençe buluın belderä. Öçençe urında isä 31 şirkät belän AQŞ bar.

“Sabah” gazetı dönyanıň iň zur 4nçe asılmalı küperendä eşçänleklärneň tizlek belän baruın yaza.

Gazet İstanbul İzmir arasın 3 säğat yarımğa, İstanbul Yalova arasın isä 6 minutka töşeräçäk qultıq küpere ayaqlarınıň tämamlanuın belderä.

Xäbärdä 3 uňda, 3 sulda barlığı 6 yul tasmasınıň ekonomik bulaçağı, dönyanıň iň ozın 4nçe asmalı küperneň, şul uq waqıtta, Törkiyäneň iň zur avtoyul proyektınıň möhim öleşenä äylänäçäge urın ala.

Gazet 2015nçe yılda açılaçaq küperdä tağın ber yulnıň isä cäyäw baruçılar öçen yasalaçağın uquçıları belän urtaqlaşa.

“Yäni Şafak” gazetı 2014 FİBA Dönya kuboğında törek A milli ir-atlar basketbol komandasınıň Yaňa Zelandiyane 76-73 isäbe belän ciňüen yaza.

Gazet Törkiyäneň yäkşämbe kiçen Amerika Quşma Ştatları komandası belän uynayaçağın belderä.