Törek matbuğatına küzätü 09.08.2014

“Yäni Şafak” gazetı “İbrahimne üterdelär” dip atalğan yazmasında İzrail ğäskäreneñ 72 säğätlek utnı tuqtatu betkännan soñ Ğazzädä toraq urınnarına qabat bomba yawdıruın yaza. Gazet küpläp üterüen qalğan urınınnan däwam itüçe İzrail oçqıçlarınıñ mäçetkä yasağan hawa höcümendä İbrahim äd-Dävasä isemle ber balanıñ häläq buluın xäbär itä.

“Sabah” gazetı “Obamadan “ĞDİD”kä berençe bombalar” isemle yazmasında Ğiraqta “Ğiraq-Dimäşq İslam däwläte” oyışmasınıñ Ärbilgä taba xäräkät itüeneñ Amerika Quşma Ştatların xäräkätländerüen belderä. Gazet Obamanıñ wäqälät birüennän soñ Farsı qultığındağı “USS George H.W.Bush” oçqıç köymäsennän xäräkät itkän reaktiv oçqıçlarnıñ “Ğiraq-Dimäşq İslam däwläte” pozitsiyälären ike tapqır bombalawın yaza.

“Habärtürk” gazetı “Arakan balaları açlıqtan ülä” isemle yazmasında Myanmada budist qorallı törkemnärdän qaçıp lagerlarğa sıyınğan Rohiny möselmannarınıñ balalarınıñ kim tuqlanuı arqasında ülä başlawın belderä häm BMO keşe xoquqları oyışmasınıñ xisabın täqdim itä.

“Akşam” gazetı “İrtägä tarixi kön” isemle yazmasında yäkşämbe könne Törkiyädä uzdırılaçaq İlbaşı saylawı turında mağlümat birep uza. Yazmada yäkşämbe könne xalıqnıñ berençe märtäbä ilbaşın saylaw öçen tawış biräçäge assızıqlana.

“Vatan” gazetı “Tözeleş materialları eksportı 2 milliard dollardan uzdı” dip atalğan yazmasında Törkiyä tözeleş materialları sänäğätçelär cämğiyäte äzerlägän “Tözeleş tarmağı häm tözeleş materialları sänäğäte, iyül 2014 aylıq sektor xisabı”ın urnaştırğan.

“Star” gazetınıñ sport säxifäsendäge “Bäşiktaşqa Arsenal” isemle yazmasında Çempionnar ligasında “Bäşiktaş” taqımınıñ Mäsut Özilneñ formasın kiygän ingliz däwe “Arsenal”ğa turı kilüen belderä. Gazet UEFA Awrupa Ligasında “Trabzonspor”ğa Rusiyä Federatsiyäseneñ “Rostov”, “Kardemir Karabükspor”ğa Mavlüt Ärdinçle frantsuz “St. Etienne”neñ köndäş buluın citkerä.