Törek matbuğatına küzätü 03.08.2014

“Habärtürk” gazetı “Ğazzädä ülüçelär sanı - 1660” isemle xäbärendä İzrail 7nçe iyul könne başlatqan höcümnärdä ğomere özelgän Fälästinlelär sanınıň 1660tan uzuın yaza.

Xäbärdä şimbä könne dä Ğazzä Universitetınıň bombalanuı belderelä.

Gazet xäbärdä Fälästindä ülüçelär sanı könnän-kön artqan waqıtta İzraildä fanatiklarnıň “genotsid” taläplärenä yaňasınıň östälüen assızıqlıy.

Gazet İzrailneň dönyada iň küp uqıluçı “Times of İsrael” gazetınıň internet säxifäsendä 2 kön elek basılıp çıqqan yazmada “Xatın-qız, bala-çağa dimiçä barlıq Fälästinlelärneň yuqqa çığarıluı legal” süzläreneň urın aluın uquçıları belän urtaqlaşa.

Gazet “Küpläp üterü normal’ bularaq qabul itelä alına” isemle aňlatma tübändägeçä däwam itä: “Hamasnıň ğına tügel, xatın-qız, bala-çağa häm barlıq tınıç xalıqnıň izge maqsat öçen küpläp üterelüe qabul itelä alına.”

“Akşam” gazetı “Keşelek ülä bara” isemle xäbärendä yuğalğan ğaskäriyen säbäp bularaq kürsätep, utnı tuqtatunı bozğan İzrailneň 48 säğattä 110 Fälästin keşesen üterüen yaza.

Gazet morglarda urın qalmağaç bala-çağa mäyetläreneň tuňdırma suıtqıçlarına urnaştırıluın belderä.

“Sabah” gazetı “Azärbaycan çigendä kiyerenkelek üsä bara” isemle xäbärendä Azärbaycan-Ärmänstan çigendä 5 kön elek çıqqan bäreleşlärneň şimbä könne dä däwam itüen citkerä.

Gazet Tawlı Qarabax töbägendä tağın 4 Azärbaycan ğaskäriyeneň şähit buluın xäbär itä.

“Vatan” gazetınıň iqtisad säxifäsendä urın alğan “Avtomobil eksportı 7 ayda 14 milliardka yaqınlaştı” isemle xäbärendä Awrupa bazarında canlana başlağan avtomobil tarmağınıň yılnıň 7 ayında 9,7%lık artış belän 13 milliard 708 million 978 meň dollarlık eksport çınğa aşıruın yaza.

Gazet avtomobil tarmağınıň uzğan yılnıň iyul ayında 1 milliard 952 million 619 meň dollar bulğan eksportnı isä bıyıl şul uq çorda 2,1%lık artış belän 1 milliard 994 million 291 meň dollarğa citkerüen belderä.

“Star” gazetı Törkiyä Säyäxät agentlıkları berlege başlığı Başaran Ulusoynıň Kastamonu vilayät idaräsenä yasağan säfäre waqıtında yasağan çığışın citkerä.

Gazet Ulusoynıň Törkiyäneň turizmda dönyanıň berençe 5 ile eçendä buluın äytüen uquçıalrı belän urtaqlaşa.