Törek matbuğatına küzätü 21.07.2014
21 nçe iyül könne basılıp çıqqan qayber törek gazetlarına küzätü
”Vatan”gazetı “Qanlı yäkşämbe” isemle xäbärendä İzrailneñ Ğazzä operatsiyäsendä iñ qanlı kön küzätelüen , hawadan häm cir östennän höcümnär oyıştırılğan Şucaiyyädä uramnarnıñ mäyetlär belän tuluı turında yaza.
Xäbärdä 85 meñ ğazzäleneñ Berläşkän Millätlär Oyışması kontrolendäge 6 mäktäp häm xastaxanälärgä sıyınuı , İzrail armiyäseneñ biregä dä ut açuı belderelä.
“Star”gazetı “Utnı tuqtatu öçen tırışabız” isemle xäbärendä Fälästindä utnı tuqtatu öçen eşkä kereşülären belderüçe Törkiyä premyer-ministrı Räcäp Tayyip Ärdoğannıñ”Fälästin, Katar häm Amerika Quşma Ştatları belän bergä eşçänlek başqarabız. Misır isä küzläw organnarı belän elemtädä tora. Xalıqara xoquq cähätennän İzrailneñ höcümnäre cinayät” digän süzläre dä urın ala.
“Milliyät”gazetı “Tınıçlıqnıñ qaderen bel” isemle xäbärendä Tönyaq Kipr Törek Cömhüriyätendä Tınıçlıq häm irek bäyräme tantanalarında qatnaşqan Törkiyä ilbaşı Abdullah Gülneñ 1974 nçe yıldan birle utrawda tınıçlıq xökem sörüenä basım yasawın citkerä.
“Sabah”gazetı “Bosniyalı qorbannar belän xuşlaşu” isemle xäbärendä Bosniyada 1992-1995 nçe yıllardağı suğışta üterelgän häm ilneñ iñ zur kümäk qaberennän çığarılıp şäxesläre açıqlanğan 284 keşeneñ kiçä cenaza cıyınınnan soñ cirlänüen uquçıları belän urtaqlaşa.
“Akşam”gazetı”Mercedes-Benz Türk” 6 ayda rekordqa ireşte” isemle xäbärendä “Mersedes-Benz Türk” aktsionerlıq cämğiyäteneñ direktorlar şurası başlığı Rainer Genesneñ 2014 nçe yılnıñ berençe yartıyıllığı kürsätkeçlären bäyäläwen häm uñışlarınıñ könnän kön arta baruına basım yasawı turında yaza.
“Xäbär Türk” gazetı “İstanbul qoyaşı” isemle xäbärendä 2014 TEB BNP Paribas İstanbul tennis turnirı ciñüçeseneñ “qoyaş nurı” psevdonimı belän tanılğan Caroline Wozniacki buluın xäbär itä.
“Xäbär Türk” gazetı”sport säxifäsendä urın alğan” Buğazda meñnärçä qolaç” isemle xäbärendä 26 Samsung buğazeçe qitğalar arası yözü yarışında 45 ildän 1749 yözüçe qatnaşuın , Hasan Ämrä Musluoğlunıñ yarışta ber-ber artlı 5 tapqır ciñü yawlap rekord quyuın belderä.
“Xörriyät” gazetı mädäniyat häm sänğät säxifäsendä urın alğan “Zur proyektta törek yoldız” isemle xäbärendä Qıtaynıñ iñ qimmätle filme “Dragon Blade”ta törek akterınıñ da urın aluın citkerä.
Gazet Jackie Chan, John Cusack häm Adrien Brody baş rollärne başqarğan filmdä törek akterı Ämrah Yılmaznıñ da uynawın belderä.
Xäbärdä Ämrah Yılmaznıñ älegä rolğä 1200 keşe arasınnan saylanuı citkerelä.
“Milliyät”gazetı sport säxifäsendä urın alğan ber xäbärendä basketbol buyınça Ömetlär Awrupa çempionı finalında Törkiyä belän İspaniya komandalarınıñ köç sınaşuın xäbär itä.
Xäbärdä Törkiyä cıyılma komandasınıñ İspaniyanı 65-57 isäbe belän ciñep berençe tapqır Ömetlär kategoriyäsendä Awrupa çempionı buluı assızıqlana.
