Törek matbuğatına küzätü 09.06.2014

“Sabah” gazetınıñ iqtisad säxifäsendäge “Eksportnıñ iñ yaxşı kliyentı Germaniya” dip atalğan yazmasında Törkiyäneñ iñ küp eksport yasağan ilneñ Germaniya buluın yaza. Yazmada Uludağ avtomobil industriyäse eksportçıları berlege mäğlümatlärenä kürä, may ayında Germaniyağa eksportnıñ 46%qa artıp, 358 million dollarğa citüe äytelä. Gazet berençe 5 aydağı eksportnıñ isä 30%qa artıp, 1 milliard 600 million dollarğa citüen assızıqlıy.

“Yäni Şafak” gazetı “Törkiyä qazanaçaq” isemle yazmasında Törkiyä Cömhüriyäte tarixınıñ iñ möhim proyektı bulğan ber yıllıq 150 million sıydırışlı öçençe hawa mäydanınıñ nigez salu tantanasınıñ dönya matbuğatında kiñ räweştä yaqtırtıluın belderä. Gazet mega proyektına qağılışlı bularaq BBCneñ: “Xökümät Törkiyäne Awrupanıñ transport üzägenä äyländerüne maqsat itä” diyep xäbären citkerüen yaza. Maleyziya, Oman häm Berläşkän Ğäräp Ämerlekläre mediasınıñ aviatsiyada xalıqara oçış liniyalarınıñ üzgäräçägenä basım yasawın belderüçe gazet “Frans press” agentlığınıñ (AFP) “Törkiyä qazanaçaq” dip belderüen citkerä.

“Star” gazetı ““Premiere Vision” üktäbrdä İstanbulda” isemle yazmasında yaqınça 30 yıl buyı Parijda oyıştırılğan häm törek tekstil-äzer kiyem markalarınıñ kiläse sezon tendentsiyaları turında fiker citkerelgän yärminkälärneñ başında torğan “Premiere Vision”nıñ monnan arı İstanbulda ber yılda ike tapqır oyıştırılaçağın xäbär itä. Gazet “Premiere Vision İstanbul”nıñ berençe märtäbä 29-30-31nçe üktäbrdä “CNR yärminkä üzäge”ndä uzdırılaçağın yaza.

“Milliyät” gazetı “14 ilneñ tabibı İstanbulda oçraştı” isemle yazmasında İstanbulda dönyanıñ 14 ile wäkillek itelgän häm 300 tiräsendä tabib qatnaşqan 5nçe Xalıqara Nevroterapiya kongressı turında mağlümat birep uza.

“Akşam” gazetı “Cıyında törekçä üz ezen qaldırdı” isemle yazmasında Germaniyanıñ Bavyera bundeslandındağı tarixi Freising qalasında oyıştırılğan traditsion Törkiyä-Bavyera cäy cıyınında törek teleneñ üz ezen qaldıruın yaza ham Freising cirle xakimiyät başlığı Tobias Eschenbacherneñ bäyräm cıyının açu tantanasında yasağan çığışınıñ berençe öleşen törekça yasawın belderä.

“Habärtürk” gazetı “İñ zur cilkänle İstanbulğa kilä” isemle yazmasında dönyanıñ iñ zur cilkänle öyrätü köymäse bulğan “STS SEDOV”nıñ 12nçe iyündä İstanbulğa kilep, İstanbul cilkän yaratuçılar belän oçraşaçağın xäbär itä.

“Vatan” gazetınıñ “Uraza organizmnı yañarta” dip atalğan yazmasında Amerika Quşma Ştatları belgeçläreneñ uraza totunıñ faydaların belderüe citkerelä.