Törek matbuğatına küzätü 01.06.2014

1nçe iyün könne basılıp çıqqan qayber törek gazetlarına küzätü

79005
Törek matbuğatına küzätü 01.06.2014

“Star” gazetı “10nçı avgust – yaña era bulaçaq” dip atalğan yazmasında Törkiyä Premyer-ministrı Räcäp Tayyip Ärdoğannıñ 10nçı avgusttağı İlbaşı saylawınıñ Törkiyä demokratiyäse öçen bik möhim busağa bulaçağın häm “kem genä saylanmasın, Törkiyä 2023 maqsatına taba baraçaq”, - dip äytüen yaza.

Yazmada Premyer-ministr Ärdoğannın: "Millätkä xezmät yulında” isemle çığışında 10nçı avgust saylawı aldınnan beräwlärneñ kerle xisaplarnıñ eçenä kerä alaçağın kisätep: “Sezneñ bu qotqı salularğa iğtibar itmäyäçägezgä, xör iradägez belän Törkiyä Cömhüriyäteneñ İlbaşın bilgeläyäçägezgä ışanam”, - dip äytkän süzläre citkerelä.

“Yäni Şafak” gazetı Ğazzägä humanitar yärdäm alıp barğan häm xalıqara su kiñlegendä İzrail xärbiläreneñ höcümenä duçar bulğan “Mavi Marmara” yärdäm köymäsendä şähit itelgan 10 yärdäm üzixtıyarıynıñ iskä alınuın xäbär itä. Yazmada küpläp üterüneñ 4 yıllığında 10 şähit öçen meñnärçä keşeneñ İstanbul Soltanäxmät mäçete mäydanında cıyıluı añlatıla.

Gazet “Mavi Marmara” şähitläre öçen täqbir äytelep, doğa qılınuı, yöreştä Törkiyäneñ törle yaqlarınnan kilgän meñnärçä keşeneñ qatnaşuın belderä.

“Sabah” gazetı “Frantsiyada Le Pen baş kütärüe” isemle yazmasında frantsuzlarnıñ 3tä ikeseneñ Awrupa parlamentı saylawında ciñüçe bulğan çiktän tış uñçı lider Le Penne yanaw bularaq kürüen yaza.

Gazet Awrupa parlamentı saylawında kötelgännän tağın da kübräk tawış alğan çiktän tış uñçı partiyälärneñ kütärelüeneñ kosmopolit xalıq qorılışına iyä Awrupa Berlege illären borçuğa saluın, frantsuzlarnıñ Marine Le Penneñ ciñüen “borçılu birüçe” bularaq bäyälägän bulsa, Angliyada uñçı “Berläşkän patşalıq bäysezlek” partiyäse uñışınıñ waqıtlı bulaçağınıñ ömet itelüen belderä.

Yazmada Frantsiya, Angliya, Germaniya, Awstriya, Daniya häm Finlyandiya kebek illärdä Awrupa Berlegenä qarşı bulğan häm uñçı partiyälärneñ Awrupa parlamentındağı xalıq ışanıçlısı urının arttıruı häm sotsial mediada tawışların işettergän berlek tarafdarlarınıñ çiktän tış uñ törkemnärneñ möhacirlärgä qarşı säyäsäten tänqitläwe, Parijda ütkärelgän uram cıyınında Awrupa Berlege tarafdarlarınıñ "Söyekle Awrupa, ğafu ütenäbez” yazuların kütärüe añlatıla.

“Milliyät” gazetı “Möhacir eşmäkärlär” isemle yazmasında berençe 3 ayda çit il keşeläreneñ Törkiyädä 1141 şirkät tözüen yaza.

Yazmada Törkiyäneñ çit il investorları öçen ışanıçlı port buluın äytüçe Törkiyä Tamğaxanä (tamojnya) häm säwdä ministrı Hayati Yazıcınıñ ğinwar-mart aylarında 199 aksionerlıq cämğiyät häm 78 törle ildän 942 limited şirkät belän bergä tuplam ber meñ 141 çit il särmayäle-kapitallı firma tözelüen belderüe citkerelä.

Gazet ministr Yazıcınıñ Törkiyägä kapital salğan çit il şirkätläreneñ tuplam särmayä miqtarınıñ 213 million törek lirasınnan kübräk buluın äytüen yaza.


Etiketlar:

Bäyläneşle xäbärlär