Törek matbuğatına küzätü 12.05.2014

“Sabah”gazetı “49 milliard külämendäge saqlanu sänäğäte eşlänmäse” isemle xäbärendä Törkiyädä xalıqara standartlarda citeşterelgän çılbırlı texnika, yar buyı iminlege köymäläre, iminlek bülekçäse köymäläre , hawa saqlanu sistemaların üz eçena aluçı Törkiyä saqlanu sänäğätendä aqça äyläneşe häm eksportınıñ artuı turında yaza.
Gazet 334 proyektnı däwam itterüçe saqlanu sänäğäte kiñäşmä idaräseneñ 2013 nçe yılda proyektlarğa 49 milliard törek lirası külämendä kapital saluın belderä.
Xäbärdä tarmaqnıñ aqça äyläneşeneñ 5 milliard dollarğa citüe citkerelä.
“Akşam” gazetı “Ford Otosannıñ yaña produktsiyäse Gölcüktän dönyağa taralaçaq” isemle xäbärendä Ford Otosan tarafınnan ike ayırım tördä”Transit Courier” häm “Tourneo Courier”nıñ Törkiyädä Gölcük eşxanäsendä citeşterelep dönya bazarlarına eksportlanaçağın xäbär itä.
“Vatan”gazetı “Angliyädän soñ ikençe urında” isemle xäbärendä Törkiyädä sonğı yıllarda bank häm kredit kartı qullanunıñ zur tizlek belän artuın belderä.
Gazet Angliyäneñ 151 milion 600 meñ bank kartı häm 56 million 400 meñ kredit kartı belän Awrupada berençe urında ,şul uq çorda Törkiyäneñ 145 million 600 meñ bank kartı häm 54 million 300 meñ kredit kartı belän ikençe urında buluın citkerä.
“Yeni Şafak”gazetı” Törek universitetları Kosovada tanıtıldı”isemle xäbärendä Kosovada ütkärelgän belem birü , mäğärif yärminkäsenä zur qızıqsınu kürsätelüe turında yaza.
Gazet yärminkädä çit illärdä yuğarı belem alırğa teläwçe yäşlärgä sıyfatlı belem birüçe Törkiyä universitetları belän turıdan turı tanışu mömkinlege tudırıluın beldera.
Xäbärdä älege yärminkädä universitetlardağı uqıtu häm almaşu programmaları, uqıtuçı-ğalimnär, stipendiya mömkinleklare , möräcäğät itü şartları xaqında mäğlümat alu mömkinlege buluın belderä.
“Yeni Şafak”gazetı “Covidien”nän 5 meñ keşega meditsina beleme” isemle xäbärendä meditsina eşlänmäläre tarmağında dönyakülam tanılğan “Covidien” oyışmasınıñ Törkiyädä innovatsiya üzäge açuın xäbär itä.
Gazet İstanbuldağı yaña qorılmanıñ Törkiyä häm yaqın tirädäge töbäklärdän yılda 5 meñnän kübräk meditsina xezmätkären uqıtu-öyrätü mömkinlegenä iyä buluın citkerä.
“Haber Türk”gazetı sport säxifäsendä urın alğan “19 nçı kubok xörmätenä” isemle xäbärendä Törkiyädä “Fenerbahçe” futbol komandasınıñ İstanbuldağı Şükrü Saraçoğlu stadionında kiçä 19 nçı çempionat kubogın alu tantanası ütkärüen xäbär ita.
Xabärdä kuboknı Törkiyä Futbol Federatsiyäse başlığı Yıldırım Demiröränneñ tapşıruı citkerelä.