Karamel'le desert

Kiräkle äyberlär:

Yartı litr söt

3 yomırqa

2 yomırqa sarısı

50 gr şikär qomı

Karamel’ öçen:

100 gr şikär qomı

3 aş qaşığı su

Yasalışı:

Başta karamel’nı yasıybız. Ber kästryul’gä 100 gr şikär qomı belän3 aş qaşığı su salabız häm äkren utta êretäbez. Sirop bik tiz körän töskä äylänä, şunıñ öçen ozaq totmasqa kiräk. Karamel’nı 5 kasäneñ töbenä salıp çığabız (1 aş qaşığı tiräse).

Ber sawıtta sötne cılıtabız häm 50 gr şikär qomı östibez. İkençe sawıtta yomırqa häm sarıların yaxşılap tuğlıybız. Şul sawıtqa suıtılğan söt häm bik äz vanilin quşabız. Tağın 5 minut tuğlıybız. Kasälärgä salıp çığabız.

Kasälärne su tutırılğan miç tabalarına tezep çığabız (suı kasälärneñ yartısına qadär citärgä tiyeş). Cılıtılğan miçtä 150 däräcädä 40-45 minut peşeräbez.

Tatlı rizıqların bülmä cılılığında suıtabız, soñınnan 4 säğat’kä suıtqıçqa quyabız.

Krem-karamel’ne tabınğa quyar aldınnan östenä tälinkä qaplıybız da östen asqa äyländeräbez. Tatlı rizığın waqlanğan çikläwek belän bizäp bula.

Aşığız tämle bulsın!