Тавыклы кәшкәк/Tawıqlı käşkäk

Kiräkle rızıqlar:

2 stakan boday

1 uç nogıt (bulmasa da bula)

1 tawıq botı

1 çäy qaşığı toz

Litr yarım + 2 stakan su

Yasalışı:

Boday häm nogıtlarnı yuıp, kiçtän suğa salıp quyabız.

İkençe könne bodaylarnı yuabız häm tiz peşerä torğan kästryul’ (düdüklü-skorovarka)gä salabız. Östenä tawıq botın quyabız. Tozlıybız häm litr yarım qaynar su salıp, qapqaçın yababız.

Qaynap çıqqaç 40 minut peşeräbez.

Boday häm nogıtlar kiçtän suda tormağan bulsa, 1 sägät’ peşeräbez.

Peşkän tawıqnı tiresen häm söyäklärennän çistartabız, itlären qabat kästryul’gä salabız. 2 stakan qaynar su kiräk bulaçaq.

Boday, nogıt häm itlärne yaxşılap izäbez.

Östen sıyıq mayda qızdırılğan tomat pasta belän bizärgä bula.

Aşlarığız tämle bulsın!