Yoğırt aşı

Sötne oyıtu näticäsendä barlıqqa kilgän häm qatıqnıñ ber töre bulğan yoğırt törek kuxnyasında kiñ urın alıp tora. Yoğırtnıñ dönyağa töreklärdän taraluın ,xätta yoğırt süzeneñ şaqtıy telgä törek telennän küçüen belä idegezme?

Dönyada 19 nçı ğasırdan başlap kiñ taralğan bu azıq törek kuxnyasında ğasırlar buyı qullanıla. Tabiği bularaq annan yasalğan şaqtıy rizıq bar. Alardan berse – yoğırt aşı. Anı ikençe törle salqın aş dip tä yörtälär. Yoğırt, boday, noğıt borçağı belän äzerlängän aş êsse cäy könnärendä bik yaratıp aşala.

Yoğırt aşın äzerläw öçen kiräkle äyberlärne sanap kitik:

Yartı stakan noğıt borçağı

1 stakan boday

3 stakan yoğırt

5 stakan su

Yartı çäy qaşığı kipterelgän yäisä yaña ölgergän bötnek

Toz

Qara borıç

Ä xäzer salqın aşnı äzerläwgä küçäbez.Boday belän noğıt borçağın bürtterü öçen kiçtän suğa salıp qaldırabız. İkençe könne anıñ suın tügep ,yañadan kümelgänçe su salıp qaynatabız. Qaynap çıqqaç utnı beraz qısıp boday häm noğıt yomşarğançı peşeräbez. Alarnı uttan alğaç suıtabız. Yoğırtqa toz häm qara borıç quşıp bolğatabız. Suınğan boday häm noğıt borçağına yoğırt belän su quşıp bolğatunı däwam itteräbez. Beraz suıtqıçta torğannan soñ östenä bötnek sibep tabınğa biräbez. Aşlarığız tämle bulsın.