Zäytün mayında bakla

Bakla borçaqlı kul’turalar ğailӓsenӓ qarıy

Zäytün mayında bakla

Bügen sezgӓ borçaqlı kul’turalar ğailӓsenӓ qarawçı fasol’neñ ber töre bulğan baklanı tanıtırbız. Törek aş-sularında baklanı itsez itep zӓytün mayında peşerӓlӓr. Şulay peşergӓndӓ anı suınğaç cılıtmıyça da aşarğa bula. Zӓytün mayı urınına könbağış mayı da qullanıp bula. Bu rӓweşle hӓr yӓşelçӓ hӓm borçaqnı peşerep bula.

Borçaqlılar ğailӓsenӓ qarawçı bakla Törkiyӓdӓ yaratılıp aşala. Yaz aylarında çığuçı yӓşel baklanı peşerü öçen xӓzer ideal’ waqıt.

 

Bakla öçen tübӓndӓge rizıqlar kirӓk:

1 kilogram yӓşel bakla

3 baş suğan

1 tırnaq sarımsaq

3-4 aş qaşığı zӓytün mayı

1 aş qaşığı on

1 çӓy qaşığı şikӓr qomı

1 limon soğı

1,5 stakan qaynar su

Yartı çӓy qaşığı toz

5-6 ukrop botağı

 

İñ êlek baklalarnı yuıp, ike oçın kisӓbez. İke-öçkӓ turıybız. Limonlı suğa quyıp torabız. Suğannarnı yartığa bülep neçkӓ itep turıybız, sarımsaqnı da şulay uq. Suğan hӓm sarımsaqnı kӓstrül’gӓ salıp, zӓytün mayında 4-5 minut tirӓse qızdırabız. Soñınnan un östӓp, dӓwam itӓbez. Şul arada baklanı sözep, suğannar östenӓ quşabız. Şikӓr qomı, toz, limon soğı hӓm qaynar sunı da salğannan soñ qapqaçın yababız hӓm ӓkren utta baklalar yomşarğanğa qadӓr peşerӓbez.

Peşkӓn baklalarnı suınğannan soñ tӓlinkӓlӓrgӓ salabız. Östenӓ turalğan ukrop sibep çığabız.

Aşlarığız tӓmle bulsın!



Bäyläneşle xäbärlär