Êçӓge aşı

Qayberlӓre alarnı bik yarata, qayberlӓreneñ ise kitmi

Êçӓge aşı

Bügenge temabız - baş-ayaq hӓm êçӓgelӓr. Qayberlӓre alarnı bik yarata, qayberlӓreneñ ise kitmi. Xayvannarnıñ bawırı, aşqazanı, ayaqları, başı, böyerlӓre, êçӓgelӓre törek hӓm dönya aş-sularında tarix buyı qullanılıp kilgӓn. Lӓkin alarnıñ populyarlığı azaydı. Ğosmanlı sarayınıñ möhim aş-sularınnan bulğan êçӓgelӓr bügenge köndӓ öylӓrdӓ ӓz peşӓ. Bügenge tapşıruıbızda sezgӓ Törkiyӓdӓ yaratılıp aşaluçı êçӓge aşın peşerergӓ öyrӓterbez.

 

Êçӓge aşı öçen tübӓndӓge rizıqlar kirӓk:

500 gram êçӓge

10 stakan su

2 aş qaşığı on

2 aş qaşığı sıyıq may

1 yomırqa

1 limon soğı

Yartı stakan serkӓ

6-7 tırnaq sarımsaq

Qızıl borıç

Toz

 

İñ êlek çistartılğan êçӓgene yaxşılap yuabız hӓm 10-12 stakan su hӓm toz belӓn yomşarğançı peşerӓbez.

Sudağı kübeklӓrne cıyıp alabız. Su çistartğaç kӓstrül’neñ qapqaçın yabıp, êçӓge yomşarğançı 1-1,5 sӓgӓt’ peşerӓbez. Peşkӓn êçӓgene alıp, neçkӓ itep turıybız.

Şul arada yaña kӓstrül’dӓ sıyıq may belӓn onnı ӓkren utta berniçӓ minut qızdırabız.

Êçӓge suınnan ber çınayaq alıp, onğa östӓp, bolğatabız. Qalğan sunı da sözep, kӓstrül’gӓ salabız hӓm beraz qaynatabız.

Ber yomırqa sarısı hӓm ber limon soğın ber qasӓdӓ yaxşılap bolğatıp, aş suına salabız. Tağın 3 minut qaynağannan soñ uttan alabız. Aşıbız peşte.

Sarımsaqnı izep, serkӓ belӓn bolğatıp, aşqa salıp bula yӓisӓ aş bülgӓndӓ tӓlinkӓlӓrgӓ salıp çığa alasız.

Aşlarığız tӓmle bulsın!



Bäyläneşle xäbärlär