Mantı yasıybız

Törkiyӓdӓ mantı Urta Aziya illӓrendӓgedän keçkenӓrӓk bula

Mantı yasıybız

Bar Aziya qitğasında mantını bik yaratalar. Qamır êçenӓ ittartqıçtan ütkӓrelgӓn it quyıp yasala ul. Qayber töbӓklӓrdӓ bӓrӓñge belӓn suğan da quşalar. Suda yӓisӓ parda peşerӓlӓr. Mantınıñ zurlığı hӓr ildӓ törleçӓ bula. Törkiyӓdӓ mantı Urta Aziya illӓrendӓ yasaluçı mantıdan keçkenӓrӓk. Monda mantısı belӓn mӓşhür şӓhӓr – Kayseri. Mantı östenӓ sarımsaqlı yoğurt ta salalar. Bügen sezgӓ törek mantısın peşerergӓ öyrӓterbez.

Mantı öçen tübӓndӓge rizıqlar kirӓk:

Qamırı öçen:

3 stakan on

1 stakan cılı su

1 yomırqa

 toz

Êçlege öçen:

300 gram farş

1 baş keçkenӓ suğan

Yartı çӓy qaşığı qara borıç

Yartı çӓy qaşığı toz

Sousı öçen:

2 aş qaşığı tomat pastası

2 aş qaşığı sarı may

Yoğurt

2 tırnaq sarımsaq

Kipterelgӓn bötnek

Qızıl borıç

 

Xӓzer isӓ mantınıñ qamırın yasıyq. Ber sawıtqa on, su, yomırqa hӓm toznı salıp, bolğatabız. Qamırıbıznı 30 minutqa çitkӓ quyabız.

Şul arada farş, suğan, toz hӓm qara borıçnı quşıp, bolğatabız.

Qamırnı ikegӓ bülep, açabız. Keçkenӓ şaqmaqlarğa kisӓbez. Hӓr şaqmaqqa itne quyıp, yababız.

Tirӓn kӓstrülgӓ 10 stakan su hӓm toz salıp, qaynatabız. Mantılarnı suda 7-8 minut peşerӓbez.

Tomatlı sousnı yasar öçen keçkenӓ tabada tomat pastasın sarı may belӓn berniçӓ minut qızdırabız. Mantı suınnan östenӓ 4-5 qaşıq salabız.

Yogurtlı sous öçen sarımsaqlarnı izӓbez hӓm yogurtqa quşabız.

Mantılarnı tӓlinkӓgӓ quyıp, östenӓ başta yogurtlı sous, annarı tomatlı sousnı tügӓbez.

Östen kipterelgӓn bötnek hӓm qızıl borıç sibep bizibez.

Aşlarığız tӓmle bulsın!



Bäyläneşle xäbärlär