Käşkül yasıybız

Bu tatlı rizığı bik tämle bula

Käşkül yasıybız

Ütkännän bügengä Ğosmanlı däwläte saraylarında yäisä xalıq arasında tatlıq rizıqları härwaqıt ayırmalı urın alıp torğan. Oyıştırılğan aş mäcleslärendä, bäyrämnärdä, izge kiçälärdä tatlı rizıqları härçaq bulğan. dönyada törek tatlı rizığı bularaq iň küp baklava, yägni päxlävä belensä dä, törek aş-sularında söttän häm ciläk-cimeştän yasalğan tatlılar da bik möhim. Moňa östäp yasalışı da ciňelräk. Bügen sezgä törek aş-sularında ayırmalı urını bulğan söttän yasaluçı tatlı rizığı “Käşkül” reŝeptı belän urtaqlaşırbız. Mindalle puding bulğan käşkül Ğosmanlıdan bügengä qadär yasaluçı häm bik yaratıluçı rizıq.

 Käşkül öçen tübändäge rizıqlar kiräk:

1 litr söt

1 stakan şikär qomı

1 stakan mindal’ qomı

2 aş qaşığı kraxmal

2 aş qaşığı kokos strujkası

1 yomırqa sarısı

Turalğan mindal’ yäisä waqlanğan fistaşki

Yasalışı:

Käşkülne yasar öçen başta kästryul’gä söt, şikär, yomırqa sarısı, kokos strujkası häm mindal’ qomın salıp yaxşılap bolğatabız häm utqa quyabız. Bolğatıp qaynağançı peşeräbez. Şul arada kraxmalnı 3 qaşıq suda êretäbez. Kraxmalnı da kästryul’gä bolğatıp salabız. Massa quyılaşqanğa qadär peşeräbez. Peşkän käşkülne keçkenä sawıtlarğa salıp çığabız häm suınırğa qaldırabız. Suınğannan soň östen turalğan mindal’ yäisä waqlanğan fistaşki belän bizibez.

Aşlarığız tämle bulsın!



Bäyläneşle xäbärlär