İtle qorı fasol' rizığı

Ul Törkiyädä härkemneň diyärlek yaratqan rizığı

İtle qorı fasol' rizığı

Möxtäräm tıňlawçılar, “Törek aş-suları” tapşıruıbıznıň çirattağı çığarılışın täqdim itäbez. Fasol’ne êlekke çorlardan bügengä qadär dönyanıň şaqtıy urınında peşerälär. Kön’yaq Amerikadan alıp Yıraq Könçığışqa, Afrikadan alıp Awrupağa qadär kin geogradiyadä peşerelä ul häm ğomümän döğe belän bergä qullanıla. Bu törek aş-sularında da şulay. Ayıruça it belän peşerelüçe häm şulpalı aş-su bulğan ölgergän qorı fasol’ Törkiyädä härkemneň diyärlek yaratqan rizığı bulıp tora. Xätta qayberläre anı milli aş-su dip yörtä. Bügenge tapşıruıbızda sezgä döğe häm tozlanğan qıyar belän täqdim itelä torğan bu rizıqnı peşerergä öyräterbez.

 

İtle qorı fasol’ öçen tübändäge rizıqlar kiräk:

2 stakan ölgergän qorı fasol’

1 keçkenä baş suğan

2 aş qaşığı tomat pastası

2 aş qaşığı sarımay

250 gr waq turalğan it

2 yäşel borıç

1 çäy qaşığı toz

Yartış çäy qaşığı qızıl borıç

6-7 stakan su

 

Xäzer isä peşerügä küçik. Başta fasol’lärne suğa quyıp, kim digändä 8 sägät’ suda totabız. Fasollärne yuıp, sözäbez häm suda peşeräbez. Qaynap çıqqan su östendäge köbeklärne cıyıp alabız häm suın sözäbez.

Ber kästryul’dä sarımaynı êretep, turalğan suğan häm yäşel borıç quşıp, qızdırabız. İtlärne salabız. Tomat pastanı da salabız häm bolğatıp tağın berniçä minut qızdırabız. İtlärne qaplap su östibez. Qaynap çıqqan fasol’ salabız, toz häm qızıl borıç quşıp, yomşarğançı peşeräbez.

Aşlarığız tämle bulsın!



Bäyläneşle xäbärlär