Hünkar beğendi (Patşa oşattı) rizığı

Törek aş-sularında baklajannan yasaluçı kim digӓndӓ 100 tör rizıq bar. Anadolu cirlӓrenӓ soñ kergӓn yӓşelçӓ bulsa da, baklajan törek aş-sularında hӓrwaqıt töp urınnı alıp tordı. Bügen sezgӓ baklajannan yasaluçı Hünkar beğendi rizığın peşerergӓ öyrӓterbez hӓm anıñ xikӓyӓsen anlatıp kitӓrbez.

Döres mikӓn yuq mikӓn, Hünkar beğendi rizığınıñ qolaqtan qolaqqa añlatılıp, bügengӓ qadӓr kilgӓn xikӓyӓse tübӓndӓgeçӓ: 1867 yılda padişah Abdülaziz imperator Napoleon III neñ qunağı bularaq Franśiyağa sӓfӓr yasıy. Bu sӓfӓrdӓ Napoleonnı da üz sarayına çaqıra. Napoleon küp êşe bulğannan İstanbulğa bara almıy. Üze urınına imperatriśa Yevgeniyane cibӓrӓ Ğosmanlı dӓwlӓte başqalasına. Patşabikӓ yanında aşçısın da alıp kilӓ. Saraynıñ aş-su bülmӓsendӓ törek aşçıları belӓn bergӓ aşlar peşergӓn franśuz aşçısı ber könne beşamel’ sousın ӓzerli. Bu yaña sous baklajan peşerüçe törek aşçınıñ iğtibarın cӓlep itӓ. Hӓm baklajannı beşamel’ belӓn bolğata. Tatıp qarağaç oşata hӓm monı bӓrӓn ite yanında hünkarğa yӓgni patşağa tӓqdim itӓ. Padişah Abdülaziz bu yaña rizıqnı bik yarata. Şunnan soñ anıñ iseme “Hünkar beğendi” dip atala başlıy.

Xӓzer isӓ Ğosmanlı padişahı Abdülazizneñ bik yaratqan rizıq reśeptına küçik.

500 gr sarıq ite

2 aş qaşığı sarımay

2 baş suğan

1 aş qaşığı serkӓ

2 pomidor

2,5 stakan qaynar su

5 baklajan

1,5 aş qaşığı on

1,5 stakan söt

2 aş qaşığı uılğan sır

Toz hӓm tim’yan

Kӓstrülgӓ itlӓrne quyıp, suları çıqqançı qızdırabız. Soñınnan sarımay, waq turalğan suğannarnı quşabız. Tağın 3 minut qızdırabız. 1 aş qaşığı serkӓ östibez. Uğıçtan uılğan pomidorlar, tim’yan hӓm qaynar su, toz quşıp, itlӓr yomğarğançı peşerӓbez.

Bu arada baklajannarnı qorı ısul belӓn qızdırabız. Qabıqların çistartıp, limonlı suda 5 minut totabız. Suın sözep, neçkӓ turıybız.

Sarımaynı tabada êretӓbez, 1,5 aş qaşığı on quşıp, sarı töskӓ kergӓnçe qızdırabız. Dӓwamlı bolğatıp, salqın söt östibez. Quyırğaç uttan alabız. Baklajannarnı, toz hӓm uılğan sır quşabız, tiz tiz bolğatıp, tӓlinkӓgӓ salabız. Östenӓ irlӓrne quyabız.

Aşlarığız tӓmle bulsın!