"Karnıyarık" rizığı

Bu rizıq baklajannan yasala

"Karnıyarık" rizığı

Törkiyädä iň küp qullanıluçı yäşelçälärdän berse baklajandır mögayen. Tuğan yağı Hindıstan bulğan bu şämäxä töstäge yäşelçä törek aş-suları arasına soňraq quşılsa da, tür urınnı alğan dip äytergä bula. Törkiyädä baklajannan yasalğan yözlärçä rizıq kürergä bula. Miçtä, tabada yäisä kästryuldä peşerep bula anı, itle yäki itsez, salqın yäisä qaynar kileş tä aşap bula baklajannı.

 

Bügen baklajannan “Karnıyarık” yasarğa öyräterbez. Karnıyarık – êçe kiselgän, urtasınnan yarılğan digänne aňlata.

 

Anıň öçen kiräkle rizıqlarıbız tübändägelär:

6 keçkenä baklajan

200 gr farş

2 baş suğan

3 pomidor

6 yäşel borıç (ozınça)

1 tırnaq sarımsaq

1 aş qaşığı tomat pastası

½ stakan sıyıq may

toz, qara borıç, qızıl borıç

 

1.Başta baklajannarnı çistartıp (ara qaldırıp çistartabız), yartı sägätkä tozlı suğa quyabız. Sudan çığarğaç yaxşılap yuabız häm kipterep, sıyıq mayda qızdırabız.

2.Baklajannar suınğanda waq itep turalğan suğannar häm sarımsaqnı da qızdırabız. Farş östibez häm farşnıň töse üzgärgänçe peşeräbez.

3.Waq itep turalğan 2 pomidor, toz, 5 borıçnı quşabız häm bolğatabız. 10 minut buyı äkren utta peşerep, pomidorlarnıň suların beteräbez.

4. Baklajannarnı miç tabasına tezep, urtalarınnan pıçaq belän kisäbez häm urtasın açıp, farş tutırabız. Baklajannarnıň östenä tigez itep kiselgän pomidor häm borıçnı tezäbez.

5. Ayırım sawıtta tomat pastasın 1 yarım stakan qaynar suda êretep, baklajannar arasına tügep çığabız.

6. Baklajannarnı 170 gradusta cılınğan miçtä 20-25 minut peşeräbez.

 

Aşlarığız tämle bulsın!

 



Bäyläneşle xäbärlär