Bu könne närsälär bulğan?

Bügen 2019 nçı yılnıñ 21 nçe avgustı. Bu kön tarixqa nindi waqıyğalar belän kerep qalğan soñ?              

1911 nçe yılnıñ 21 nçe avgustında Luvr muzeyınnan “Mona Liza” kartinasın urlıylar. Ul 2 yıldan soñ Florenśiyada tabıla.

1915 nçe yılda älege könne Mostafa Kämal komandirlığındağı Ğosmanlı berlekläre Çanakkalädä 2 nçe Anafartalar ciñüenä ireşä.

1922 nçe yılnıñ 21 nçe avgustında Mostafa Kämal armiya komandirları belän Akşähärdä ütkärgän soñğı cıyılışta Böyek höcüm, yäğ’ni Azatlıq suğışı waqıtında Törkiyä armiyäseneñ Greśiya köçlärenä qarşı höcüme boyırığın birä.

1983 nçe yılnıñ bu könendä Filippinnarnıñ sörgennän qaytqan oppoziśiya liderı Benin’o Akino hawa mäydanında oçqıçtan töşkändä üterelä.

100 metrga yögerüdä ber-ber arlı dönya rekordları quyğan Usêyn Bolt 1986 nçı yılnıñ 21 nçe avgustında Yamaykada dönyağa kilä.

1986 nçı yılnıñ älege könendä Kamerunda Nios vulkanik külennän çıqqan ağulı gazlar 1746 keşeneñ ülemenä säbäp bula.

2017 nçe yılnıñ 21 nçe avgustında iñ zur Qoyaş totılu küzätelä. 90 minut däwam itkän totıluda 2 minut 40 sekund däwamında Qoyaş tulısınça qaplana.