Bu könne närsälär bulğan?

Bügen 2019 nçı yılnıñ 20 nçe avgustı. Bu kön tarixqa nindi waqıyğalar belän kerep qalğan soñ?              

636 nçı yılnıñ 20 nçe avgustında Halid bin Välid räislegendäge ğaräp armiyäse Vizantiya köçlären ciñep Süriyä häm Fälästinneñ kontrolen üz qulına ala.

Amerika Quşma Ştatları ilbaşı Êndryu Djonson 1866 nçı yılnıñ älege könendä Amerika watandaşlar suğışı betüen räsmi räweştä iğ’lan itä.

1921 nçe yılnıñ 20 nçe avgustında Xalıqara atletizm Federaśiyäse tözelä.

1940 nçı yılnıñ älege könendä Leon Trośkiy Meksikada Stalin agentı tarafınnan üterelä.

1975 nçe yılda bu könne NASA “Viking 1 “ ğaläm korabın Marska cibärä.

1988 nçe yılnıñ 20 nçe avgustında 8 yıl buyı däwam itkän İran-Ğıyraq suğışı utnı tuqtatu belän tögällänä.

2008 nçe yılnıñ älege könendä İspaniya hawa yulları yulçı oçqıçı Madridtan Kanar utrawlarına kitü öçen kütärelep kitkändä yana başlıy ,waqıyğada 153 keşe hälaq bula.

2016 nçı yılda bu könne Törkiyäneñ Gaziantep şähär üzägendä tuyğa oyıştırılğan terror höcümendä 50 keşe hälaq bula, 94 keşe yaralana.

Amerikanıñ tanılğan yumor ostası Djerri L’yuis 91 yäşendä 2017 nçe yılnıñ 20 nçe avgustında  Las-Vegastağı öyendä mäñgelekkä küzlären yoma.