Bu könne närsälär bulğan?

1889nçı yılnıñ 13nçe avgustında nemeś Ferdinand von Zeppelin üze uylap çığarğan taşuçı häm idarä itelüçe dirijabl’neñ patentın ala.

1905nçe yılda bu könne Norvegiyä referendum oyıştırıp Şveśiyädän ayırılıp çığa. Daniyäle prinś Çarl’znı Norvegiyä üzeneñ patşası iğ’lan itä.

1954nçe yılnıñ 13nçe avgustında Paqıstannıñ milli marşı ilneñ radiosında täwge tapqır uqıla.

1956nçı yılda bu könne fantastik ädäbiyätqa nigez saluçılarnın berse, “Waqıt maşinası”, “Ğalämnär suğışı” şikelle tanılğan äsärlärne icat itkän ingliz yazuçısı, jurnalist häm tarixçı Gerbert Djordj Uêlls wafat bula.  

1961nçe yılnıñ 13nçe avgustında salqın suğışnıñ simvolı bulğan häm şähärne ikegä bülgän Berlin divarın tözi başlıylar.

1966nçı yılda bu könne Mao Śzedun Qıtayda mädäniyät inqıylabı iğ’lan itä. 10 yıl däwam itkän xäräkät qulğa alu häm ülem cäzaları belän tarixqa kerep qala.

1987nçe yılnıñ 13nçe avgustında AQŞ ilbaşı Ronal’d Reygan “İran-kontras” skandalı öçen cawaplı buluın tanıy. Amerikanıñ yuğarı däräcäle türäläre, êmbargonı bozıp, İranğa yäşeren räweştä qoral satqan häm annan kergän aqçalarnı, şulay uq yäşeren räweştä, Nikaraguada sośialist xökümätne bärep töşerergä mataşuçı kontraslarğa - baş kütärüçelärgä cibärgän.