Bu könne nilär bulğan?

1631nçe yılnıñ 17nçe iyün’ könne Babür imperatorı Şah-ı Cihannıñ xanımı Mümtaz Mahal bala tapqan çaqta wafat bula. İstälegenä salınğan Tac Mahal 20 yılda tämamlana.

1921nçe yılnıñ 17nçe iyün’ könne Törkiyä azatlıq suğışın alıp barğan çaqta Sivas, Ärzincan häm Tuncäli töbäklärendä başlanğan häm 3,5 ay däwam itkän Koçgiri baş kütärüe törek ğaskäre tarafınnan bastırıla.

1932nçe yılnıñ 17nçe iyün’ könne yäş’ Törkiyä Cömhüriyätendä berençe tapqır “Avtomobil’ yarışı” uzdırıla. İstinye- Zincirlikuyu arasında ütkärelgän yarışnı Törkiyä turing häm avtomobil’ klubı belän “Milliyät” gazetı oyıştıra.

1951nçe yılnıñ 17nçe iyün’ könne Berlin olimpiada stadionında uzğan futbol matçında Törkiyä Germaniyanı 2-1 isäbe belän ciñä. Ul matçtağı uñışlı räweştä qapqanı saqlawı arqasında qapqaçı Turgay Şärängä "Berlin panterası, qara qaplanı" dip isem quşıla.

2015nçe yılnıñ 17nçe iyün’ könne törek säyäsätçese häm Törkiyä Cömhüriyäteneñ 9nçı İlbaşı Söläyman Dämiräl wafat bula.