Bu könne närsälär bulğan?

1881nçe yılnıñ 19nçı mayında Törkiyä Cömhüriyäten tözüçe Mostafa Kämal Atatörek tuğan dip sanala. Bu anıñ simvolik tuğan köne.

1910nçı yılda bu könne Galley kometası Cirgä yaqınlaşa. Älege kük ciseme Qoyaş sistemasına soñğı tapqır 1986nçı yılda kergän ide. Anıñ qabat 2061nçe yılda kürenäçägen farazlıylar.

1919nçı yılnıñ 19nçı mayında Mostafa Kämal Atatörek Bandırma paromı belän Samsunğa kilä. Bu Antanta däwlätlärenä qarşı töreklärneñ Bäysezlek suğışı başlanğan kön sanala. 1938nçe yıldan birle ul milli bäyräm bularaq bilgeläp ütelä. Atatörek älege datanı törek yäş’lärenä bağışlıy.

1935nçe yılda bu könne ğaräp fetnäsen oyıştırğan mäşhür ingliz agentı “Ğaräp Lourens” iseme belän bilgele arxeolog, xärbi, küzläwçe häm yazuçı Tomas Êdvard Lourens motośikl belän qazağa oçrap ülä.

1981nçe yılnıñ 19nçı mayında Atatörekneñ Solonikidäge öye qabat tözekländerelep zıyarätçelär öçen açıla.