Bu könne nilär bulğan?

Bügen 2019 nçı yılnıñ 8 nçe may köne. Bu kön tarixqa nindi waqıyğalar belän kerep qalğan soñ?

Ädäbiyat tänqit’çeläre zamança romanğa nigez saluçı dip qabul itkän, 19 nçı ğasır cämğiyät’ çınbarlığın bik açıq räweştä çağıldırğan häm dönya klassikaları arasına kergän ”Madam Bovari”nıñ avtorı Gustav Flober 1880 nçe yılnıñ 8 nçe mayında wafat bula.

1886 nçı yılnıñ älege könendä Atlanta ştatında yäşäwçe ximik häm farmaśevt Djon S.Pemberton kola êçemlegen uylap taba. 

1902 nçe yılnıñ 8 nçe mayında Martinika utrawında Pele yanartawı şartlıy. Par, köl,tuzan bolıtı häm yanuçı gazlar yoğıntısında 30 meñ keşeneñ ğomere özelä.

1987 nçe yılda bu könne rässam, muzey xezmätkäre häm jurnalist Älif Naci İstanbulda wafat bula.

2015 nçe yılnıñ 8 nçe mayında aktyer häm rejissyer Zäki Alaysa yaqtı dönyadan kitep bara.