Törkiyä İzrailgä açılğan mäxkämä êşendä qatnaşu öçen ğariza tapşırdı

Törkiyä BMOnıñ iñ yuğarı xökem çığaru organı bulğan Xalıqara mäxkämägä Kön'yaq Afrika İzrailgä qarşı açqan genośid däğwasında qatnaşu öçen ğariza tapşırdı.

Gaagadağı BMO Xalıqara mäxkämäsendä açılğan däğwanıñ global' domino taşları täêsiren tudıraçağı ömet itelä.

Törkiyäneñ Gaagadağı ilçese Sälçuk Ünal: "Törkiyä bularaq wazıyfabıznı ütädek, härkemgä tarixnıñ döres yulınnan baruıbıznı kürsätäbez. Xalıqara cämäğat'çelekneñ cawaplı äğzase bularaq xalıqara xoquqnı ütäw häm fälästinlelärne başqa zolımnardan saqlar öçen bügen adım yasıybız. Bez monı başqardıq."

Törkiyäneñ ğarizası İzrailneñ Ğazzägä qarağan höcümen tarixnıñ iñ ozaq barğan varvarlığı bularaq bäyäli.

Bu varvarlıknıñ yuqqa çığaru niyätendä buluı citkerelä.

Änkaradan kilgän Törkiyä wäkillege Tel'-Aviv citäkçelegenä açıq yullama yasıy.

Aylar buyı däwam itkän xäzerleklärdän soñ butalçıq xoquqıy dokumentlar terkälä.

Törkiyä Böyek Millät Mäcleseneñ Ğadellek komissiyase räise Cünäyt Yüksäl: "Törkiyäneñ ğarizası, töbäktän kilgän berençe kiñ qırlı ğariza buluı häm xalıqara xoquqıy barışlarda regional' ğariza mäs'äläsendä yaña standart bilgeläwe cähatennän bik möhim. Törkiyäneñ centekle häm köçle saqlanunı üz êçenä aluçı ğarizası yuğarı xoquqıy mäğlümat häm ğadellekkä tuğrı qalunı çağıldıra."

İzrailneñ Ğazzädäge höcümnären genośid bularaq bäyäläwçe häm yaw astındağı töbäklärdä İzrail ğaskäriläreneñ buluın qanunsız kürüçe oxşaş qararlarnıñ qabul itelüenä qaramastan höcümnär däwam itä.

Här kön oyıştırıluçı höcümnär häm yawlap alular arqasında ülüçelär sanı 40 meñgä yaqınaydı.

Könnän-kön kübräk il Kön'yaq Afrikanıñ xoquqıy köräşen xuplıy.

Belgeçlär xalıqara basımnıñ artuın belderä.

Xalıqara mönäsäbätlär belgeçe Abdurrahman Ärol: "Bu ğarizanıñ xoquqıy häm säyäsi ähämiyäte bar. Bu adım êşkä kereşüne häm adımnı kürsätep tora. Ber awışu bu, ğariza sanı ni qadär artsa, säyäsi basım da ul xätle üsäçäk."

Shadia Edwards-Dashti: "Gaagadağı BMO Xalıqara mäxkämäse qararları häm Törkiyä kebek illärneñ ğarizaları tirän täêsir itä. Läkin soñğı qararğa kilü yıllar buyı däwam itä ala. Xäzerge waqıtta bu qararlar kiñäşläşep qabul itelgän qaraşlar wazğıyätendä. Bu da Ğazzä xalqınıñ İzrail genośidına qarşı haman da ximaya astına alına almawın añlata.”

Shadia Edwards-Dashti, TRT World, Gaaga