Türkiyäneñ qaldıqsız tormış ölkäsendäge rolenä maqtaw süzläre

17nçe ğıynwar sişämbe könne başqala Änkarada İlbaşı qolliyätendä Däwlät başlığı Räcäp Tayyip Ärdoğannıñ xäläl cefete Äminä Ärdoğan da qatnaşqan tulı wäqalätle ilçelär häm tormış iptäşläre öçen oyıştırılğan "Urtaq öyebez dönya (cir şarı) öçen qaldıqsız tormış” programmasında qatnaşqan Awrupa Berlegeneñ Türkiyä delegaśiyası başlığı ilçe Meyer-Landrut, Türkiyädäge qaldıqsız tormış säyäsäteneñ häm Türkiyä häm dä dönya öçen möhim buluın belderep, qaldıqlarnı kimetügä qağılışlı proyıktnıñ öleşe buludan şat buluların äytte.

Qaldıqlar idaräsen täêmin itüneñ ähämiyätenä tuqtalıp uzuçı Meyer-Landrut monıñ möhim xezmättäşlek ölkälärennän berse häm Türkiyä alıp barğan bik ähämiyätle säyäsät buluın belderde.

Franśiyanıñ Änkara ilçese Herve Magro isä, qaldıqlar belän bergä köräş alıp barunıñ zarurlığın belderep: "Qızğanıç, bu mäs’älälär kiläse yıllarda da däwam itäçäk. Xörmätle İlbaşınıñ xäläl cefete (Äminä Ärdoğan) iniśiativası da bik möhim. Fäqät illär monıñ belän üzläre genä köräş alıp barmasqa tiyış,” – dide.

İrlandiyanıñ Änkara ilçese Sonya McGuinness ta şuşı proyıktnıñ bik döres buluın, Äminä Ärdoğannıñ qaldıqsız tormış mäs’äläsendä här keşene, öyne häm xökümät säyäsäten ber-bersenä bäyläwen äytte.

McGuinness qaldıqsız tormış mäs’äläsendä Türkiyäneñ kereşüläre belän bäyle bularaq: "Türkiyä bu ölkädä möhim rol’gä iyä. Böten başqarılğannar balalarnıñ kiläçägenä täêsir itä,” – dip belderde.

İzrailneñ Änkara ilçese Irit Lillian da, qaldıqsız tormış problemasınıñ dönyadağı iñ zur problemalarınnan berse buluına iğ’tibarnı yünältep, bu programmanıñ böten köçlärne berläşterü häm qaldıqsız tormış maqsatına ireşü öçen iskitkeç iniśiativa täşkil itüen iskärtep uzdı.

Töp maqsatnıñ urtaq köçne qullanu häm dönyanı tağın da yaxşıraq häm çista torışqa äyländerü buluına basım yasawçı Lillian: "Bez härwaqıt xezmättäşlekkä äzer. Türkiyä qaldıqlardan saqlanuda bik köçle,” – dip äytte.