Altun: “Türkiyä sanlı terrorğa qarşı çaralarğa üz öleşen kertä”

Altun Bursada oyıştırılğan "Törki dönya yaña buın media seminarı”na video yullama cibärde.

Dezinformaśiya, xurlaw kampaniyaları, yawız omtılışlar kiñ tarala alğan yaña buın mediada daimi räweştä häm barı tik xaqıyqät köräşen alıp barunıñ zarurlığına basım yasawçı Altun: "Türkiyä belän bergä törki dönyada urnaşqan illär dezinformaśiya kebek cimerüçe êşçänlekkä iñ küp duçar bulğan illär arasında berençe urınnarda tora,” – dip äytte.

Altun törki dönyanıñ urtaq küzallaw, urtaq missiya, urtaq tel häm urtaq däğwa tiräsendä berläşep yaña sanlı (śifrlı) çornıñ mömkinleklären qullanu häm yanawlar belän köräş alıp bara alu öçen köçle xezmättäşlek häm urtaqlıqlarnı üsterüeneñ bik zur ähämiyätkä iyä buluın belderde.

Altun Türkiyäneñ global’ dezinformaśiya häm sanlı (śifrlı) terrorçılıqqa qarşı küreläçäk här çarağa öleş kertäçägenä basım yasadı.

Türkiyä bularaq däwlät diplomatiyasınnan xalıq belän mönäsäbätlärgä, dezinformaśiya belän köräştän krizis idaräsenä qadär bik kiñ häm köçle êlemtä modelenä iyä buluın bilgeläp uzuçı Altun: "Bez “Türkiyä êlemtä modele”n qardäş illärebez, törki dönya masştabına da kütärä alaçağıbızğa ışanabız,” – dide.

Êlemtä başlığı Törki dönya yaña buın media seminarınıñ bik qıymmätle adım buluın iskärtep uzdı.