Dön'yanıñ iñ ozın küpere açıla

Şähärlär simvolik küperläre belän iskä alına. 5 yıl êçendä manaraları tözelde. Meñnärçä êşçe küper tözeleşendä tir tükte. Simvolik küper öçen berençe adım 2017nçe yılda yasaldı. 18nçe mart Çanakkalä küperenä nigez salabız. Dön'yanıñ iñ ozın urta açıqlıqtağı asılmalı küperdä berençe êtap manaralarğa nigez salu buldı. Kessonnar öçen êşçänlek qorı urında başlandı. Dön'yanıñ iñ awır suda taşu êşçänleklärennän berse başqarıldı. 65 meñ tonna awırlıqtağı kesonnarnı diñgez töbenä urnaştırğannan soñ küperneñ qalğan öleşlärenä küçtelär.

2019nçı yılnıñ 8nçe mayında viaduk häm manalarnı qoru başlandı. Härberse 800 tonna awırlıqtağı manara bloklarınnan berençese 2019nıñ 1nçe avgust könne Awrupa yağına urnaştırıldı. Buğazda êşläw ciñel bulmadı. Manaralarnıñ êşe 2020neñ 16nçı mayında tämamlandı. "Tämamlanğaç küper dön'yanıñ iñ ozın urta açıqlıqtağı küpere bulaçaq. 1915 Çanakkalä küpere öçen êşçänleklär däwam itä." Millimetrlar belän isäplängän manaralardan soñ çirat töp kabel'ğa citte. Yıraqlardan diñgez aşa kiterelde ul. 33 meñ tonnadan awır bulğan töp kabel' urnaştırılıp betkäç küper şäkel ala başladı. Palubalar ğına qaldı. Härberse 700 tonna awırlıqtağı palubalarnıñ berençese 2021neñ 17nçe iyun' könne quyıldı. Kiñlege 45 metr, ozınlığı 48 metr bulğan berençe paluba Aziya yağındağı viadukka montajlandı. 2021neñ 13nçe noyabrenä qadär 87 paluba da urnaştırılıp bette, zur proyekt azağına yaqınlaştı. Tarixi yarımutrawda çınğa aşırılğan bu proyekt Çanakkalä buğazınıñ da êncese buldı. Centekläp uylanılğan neçkäleklär, ozın plannar häm quyılğan zur tırışlıq yärdämendä 1915 Çanakkalä küpere planlanğannan tağın da irtä tözelde. Yaqınça 5 yıl barğan êşçänleklär qaywaqıt klimat şartları arqasında äkren däwam itte. Läkin ber dä tuqtamadı.