Beyrutta qurqınıç tön / Бeйруттa куркыныч төн

Beyrutta qurqınıç tön gel yañğırap torğan sirena belän ikençe könneñ irtäsenä xätle däwam itte / Бeйруттa куркыныч төн гeл яңгырaп тoргaн сирeнa бeлән икeнчe көннeң иртәсeнә xәтлe дәвaм иттe

1471180
Beyrutta qurqınıç tön / Бeйруттa куркыныч төн

Ber şartlaw şähärneñ zur öleşen tar-mar itep şaqtıy keşene öysez qaldırdı.

Töğäyen bularaq närsä buldı soñ?

Sişämbe könne kiçke säğät altı tiräsendä Beyrut portındağı köçle şartlaw başqalanı köçle itep teträtte häm berençe mäğ’lümatlärgä kürä distälärçä keşeneñ ülemenä häm meñnärçä yaralanuçığa säbäp buldı.

Şartlaw şul xätle köçle ide, yaqınça 240 çaqrım yıraqtağı Kipr utrawında da xättä xis itelde.

Keşelär kübesenä yıraqtan yanğın kebek kürengän berençe şartlawnı videoğa töşergän çaqta tağın da köçle ber şartlaw barlıqqa kilde häm härkemne şokta kaldırdı.

Livan Baş ministrı Hasan Diab şartlaw belän bäyle tikşerüneñ Beyrut portında saqlağıçta altı yıl buyı kötterelgän yaqınça 2750 kg awırlığındağı ammoniy nitratına yünäläçägen äytte.

Räsmilär şuşı ximik matdäneñ kontrolsez räweştä kötterelüenä säbäp buluçılarnıñ xisap biräçägen äytte.

Ammoniy nitratı ni bula?

Ammoniy nitratı aşlama êşläp çığaruda häm taw sänäğätendä faydalanılğan şartlatqıçnı yasawda qullanılğan ximik berläşem. Yana torğan materiallarnı häm qaldıqlarnı yandırıp cibärüçe häm yanu barışın tizlätä torğan oksidlaştıruçı matdä häm şuşı matdäneñ imin räweştä saqlaw öçen qatı qağidälär häm boyırıqlar bar.

Beyruttağı cimerüneñ sürätläre Qıtaynıñ tön’yağındağı Tianjin şähärendä 2015nçe yılda barlıqqa kilgän ike köçle şartlawğa şaqtıy oxşağan. Biredäge şartlawlar aldınnan yanuçı matdälär häm ammoniy nitratı ximiya êşxanäsendä bergä saqlanğan häm şartlaw näticäsendä 173 keşe ülgän ide.

Beyruttağı şartlawnı waqıyğa urınında kürüçelär şartlawnıñ cirteträw kebek xis itterüen belderde. Yordaniya seysmologik küzätüxanäse (observatoriyäse) Beyrut şartlawınıñ Rixter däräcäsenä kürä 4,5 zurlığındağı cirteträwgä turı kilüen belderde.

Şartlawnıñ näticäsen bilgeläw

Kim digändä 113 keşeneñ ülüe häm 4000nän kübräk keşeneñ yaralanuı belän bergä räsmilär ülüçelärneñ arta aluınnan borçıla.

Beyrut gubernatorına kürä, köçle şartlaw 300 meñnän kübräk keşeneñ öysez qaluına säbäp buldı. (UNIFIL) BMO Livan waqıtlı köçenä bäyle häm Beyrutta kötep torğan köymä dä şartlawda zarar kürde häm tınıçlıq saqlaw missiyäse personalınıñ kübese dä yaralandı.

Beyruttağı port şartlawınıñ finans zararınıñ bolay da bankrotlıq aldında torğan il öçen awır buluı kötelä.

Livan “Qızıl Xaç”nıñ Ğomum särkätibe George Kettani xastaxanälärneñ awır wazğiyättä buluın äytte. Qayberäwläre şartlawda zarar kürde häm tağın da kübräk xasta qabul itä almayaçaq torışta, bu da şartlawda yaralanğan meñnärçä keşeneñ däwalana alınmayaçağı mäğ’näsenä turı kilä. Livan Qızıl Xaç oyışması ayıruça berniçä tabibnıñ da şartlawdan soñ häläq’ buluın belderde.

Monnan tış Livan sälamätlek saqlaw ministrı da şartlaw mäydanına yaqın ber urında urnaşqan saqlağıçta totılğan mediśina äyberläreneñ dä şartlawda yuqqa çığuın äytte. Ministr ayıruça xalıqara cämäğätçelektän yärdäm soradı.

Xökümätneñ şartlaw belän bäyle berençe xisapları şartlawnıñ höcüm näticäsendä buluı ixtimalın beterä, läkin tikşerü äle haman däwam itä.

Äy, Allahım

Livan şartlawdan soñ öç könlek matäm iğ’lan itte.

Şartlaw il sizger ber çorda bulğan çaqta barlıqqa kilde. Livan iq’tisadı yaqınça ber yıl inde töşügä taba bara häm koronavirus krizisı da ilneñ iq’tisadi problemaların tağın da arttırdı.

Şartlaw ayıruça ilneñ êlekke Baş ministrı Räfik Haririneñ 2005nçe yılda üterelüe belän bäyle mäxkämä êşendä kötelgän qararnıñ açıqlanuınnan berniçä kön êlek barlıqqa kilde.



Bäyläneşle xäbärlär