Törkiyädän Livanğa teläktäşlek

Livan başqalası Beyrutta barlıqqa kilgän şartlawdan soñ Änkaradan teläktäşlek yullamaları citkerelde

1467624
Törkiyädän Livanğa teläktäşlek

İlbaşı Räcäp Tayyip Ärdoğan şartlawdan soñ Livan Däwlät başlığı Mişel Avn belän telefonnan söyläşte. Törkiyäneñ Livannıñ yanında buluın assızıqlawçı İlbaşı Ärdoğan: “Sälamätlek saqlaw belän bergä ixtıyac bulğan här ölkädä humanitar yärdämgä bez äzer”, - dip äytte.

İlbaşı Räcäp Tayyip Ärdoğan ğaräpçä urtaqlaşqan yullamasında da: “Törkiyä härwaqıt Livan häm Livanlı qardäşlärebez belän bergä bulaçaq”, - dip äytte.

“Beyrutta barlıqqa kilgän şartlawda häläq buluçılarğa Allahtan yarlıqaw telim, tuğannarınıñ qayğısın urtaqlaşam, yaralanuçılarğa şifa telim. Törkiyä härwaqıt Livan häm Livanlı qardäşlärebez belän bergä bulaçaq.”

Parlament başlığı Mostafa Şäntop ta yullamasında Törkiyäneñ şaqtıy ildä bulğanı kebek Livan xalqına da qulın suzaçağın belderde.

İlbaşı urınbasarı Fuat Oktay şartlaw belän bäyle qayğınamä cibärde.

“Livan xalqınıñ qayğısın urtaqlaşabız. Törkiyä bularaq härwaqıt yärdämgä äzer bez.”

Tışqı êşlär ministrı Mäwlüt Çavuşoğlu Livan xalqınıñ qayğısın urtaqlaştı, yärdämgä äzer buluların citkerde: “İñ zur telägebez – can yuğaltuınıñ artmawı. Livanlı qardäşlärebezgä härtörle yärdämgä äzer bez.”

İlbaşı idaräseneñ êlemtä departamentı başlığı Fahrättin Altun Törkiyäneñ böten oyışmaları belän yärdämgä äzer buluın belderde: “Törkiyä Cömhüriyäte däwläte şuşı awır köndä Livanlı qardäşläreneñ yanında. Qardäşlärebezgä yärdäm öçen böten oyışmalarıbız belän äzer bez”.

İlbaşı idaräse süzçese İbrahim Qalın yullamasında Törkiyäneñ härtörle yärdämgä äzer buluın assızıqladı. “Cimerelgän bina qaldıqları astında qaluçılarnıñ buluı xäbär itelä. Ülüçelär häm yaralanuçılar sanınıñ artmawın ömet itäbez. Törkiyä härtörle yärdäm öçen äzer.”

“AQ” partiya ğomum başlığı wäkile Numan Kurtulmuş isä qayğınamäsendä: “Yäşängän facigädä häläq buluçılarğa Allahtan yarlıqaw, yaralanuçılarğa aşığıç şifa telim, Livan xalqınıñ qayğısın urtaqlaşam”, - dip äytte.

“AQ” partiya süzçese Ömär Çälik tä qayğı belän urtaqlaştı. Çälik: “Törkiyä Livanlı qardäşläreneñ yanında”, - dip äytte: “Cimerelgän bina qaldıqları astında qaluçılarnıñ isän qotıluın telibez. Livannıñ qardäşe Törkiyä şuşı awır köndä qardäşläreneñ yanında”.



Bäyläneşle xäbärlär