Grek wazıyfalılarınıň cinayäte

Süriyäle 22 yäşendäge Möxämmäd al Arab Märiç yılğası kiçüennän uzğan çaqta grek wazıyfalıları tarafınnan atıp üterelde.

1373964
Grek wazıyfalılarınıň cinayäte

Bu sürätlär Greśiya çigennän.

Süriyäle 22 yäşendäge Möxämmäd al Arab Märiç yılğası kiçüennän uzğan çaqta grek wazıyfalıları tarafınnan atıp üterelde.

Greśiya xökümäte süzçese Stelios Petsas waqiğanı (waqıyğanı) yalğan xäbär dip bäyäläde.

Däwlät qırıslığı häm keşe xoquqların bozu oçraqlarında belgeç bulğan küp diśiplinalı tikşerenü törkeme “Forensic Architecture” waqiğanı (waqıyğanı) tikşerde häm grek räsmiläreneň ülem cinayätenä säbäp buluın dälilläwçe videoyazma urnaştırdı.

“Waqiğa (waqıyğa) urınındağı şaqtıy keşe waqiğa (waqıyğa) bulğan urınnı urtaqlaştı. Belderelgän urın mäğ’lümaten döreslädek, şahitlär häm Al Arabnıň ğailäse belän êlemtägä kerdek häm cinayät aldınnan häm annan soňğısına qağılışlı şahit açıqlawların häm videolarnı cıydıq.”

"Forensic Architecture" törkemenä kürä, Möxämmädneň başına turı kilgännär şuşı räweşle: Al Arab belän bergä bertörkem qaçaq yäkşämbe kiçendä yılğa buyına kilep citte. Yılğanı uzdılar häm tönne yılğanıň könbatış yağında urnaşqan keçkenä törek cire östendä uzdırdılar.

Al Arab “Whatsapp”tan üz fotosüräten urtaqlaştı. Waqiğanı kürgän Ali İdriskä kürä, irtä belän törkem timerçıbıqlarnı uzıp grek cirlärenä uzarğa tırıştı, ut açıluın işettelär, äytelgännärgä kürä, Al Arab çik buyınnan berniçä metr çittä atıp üterelgän.

Video ayıruça Al Arabnıň atıp üterelüennän soňğı möhim mizgellärne dä kürsätä. Ut açılğannan soňğı sürätlär “Twitter”dan urtaqlaşıldı. Videoda törkemneň Al Arabnı taşuı häm qotqarırğa tırışuı kürenä.

Al Arab annan soň yılğa buyına kiterelä häm Märiçneň könçığış yağına köymä belän alıp barıla.

"Forensic Architecture" törkeme yalğan xäbär teoriyasın yuqqa çığaruçı dälillär cıydı. Bolarnıň berençese, waqiğanıň (waqıyğanıň) waqıtı. Waqiğağa qağılışlı videonı töşergän keşe bulğan Ali İdris fayl meta mäğ’lümaten kürsätüçe êkran küreneşen urtaqlaştı. Monıň nigezendä, video 2nçe martta irtä belän säğät’ 8:30da töşerelgän.

Soňınnan urın mäğ’lümate döreslände. Yılğanıň şuşı yağına qarawı anıq räweştä aňlaşılğan sulıqnı bilgelädek. Häm videoda häm dä iyärçen sürätendä şuşı sulıq artında ikençe antenanıň buluı kürenä. Biredä häm sulıqnı häm dä antenanı kürä alabız häm biredä dä şuşı ağaç häm şulay uq antena kürenä.

Ayıruça grek wazıyfalılarınıň plastik pulya qullanuına qağılışlı raslawlar belän bäyle bularaq "Forensic Architecture" şuşı videonı kürsätä. Grek armiyası häm poliśiya köçläreneň şul uq kön êçendä Märiç çigen uzarğa tırışqan keşelärgä qarşı çın pulya qullanuı dokumentlaştırıldı.

Häm şulay kürenä ki qulına qoral aluçı barı tik grek wazıyfalıları ğına tügel. Töbäk xalqınnan qoral yörtüçe keşelärneň cinayät’ yasalğan urınğa yaqın bulğan Märiç del’tasına qarşı köç bularaq cibärelüe dä äytelä.

Kürgännärgä nigezlänep sez Möxämmädkä närsä buluın uylıysız?



Bäyläneşle xäbärlär