Yanğan öylär, xarap bulğan urmannar

"Kim digändä bez isän. Moňa şöker itärgä kiräk”

Yanğan öylär, xarap bulğan urmannar

Awstraliyada aylar buyı xökem sörgän urman yanğınnarı äle dä sönderelä alınmadı. Yanğınnar arqasında ülüçelärneň sanı 25kä citte. Toraq urınnarğa da küçkän yanğında 2 meňnän kübräk öy kölgä äylände.

Yanğınnan zıyan kürüçelär: “Böten närsä bette. Bernärsäbez yuq. Kim digändä bez isän. Xayvannarıbız da yäşi. Moňa şöker itärgä kiräk”,- dilär.

Yaqınça 8 milion gektar mäydannı kölgä äyländergän yanğın fäläqate ğalämnän şuşı räweşle sürätlände.

Yanğınnar arqasında qırğıy yäşäyeşkä dä qurqınıç yanıy. Yalqınnardan saqlanu öçen ber ağaç kisägeneň astına sıyınğan kenguru balası şulardan berse. Kengurunıň yanğın sünderüçelär tarafınnan qotqarıluı mizgelläre kamerağa çağıldı.

Qotqaru çaralarına hawadan yärdäm itüçe törkemnär sarğılt qızıl kük yöze belän oçraştı.

Awstraliyadağı urman yanğınnarı arqasında Yaňa Zelandiyanıň Okland şähärendä dä kük yözeneň töse sarğılt qızılğa äylände.

İndoneziya isä su basu häm tufraq şuışuı belän köräşä.

Könnär buyı täêsirle bulğan yawım-töşemdä ülgännärneň sanı 66ğa citte. Yaqınça 3 meň keşe öylärennän küçerelde.



Bäyläneşle xäbärlär