Franśiyädä rizasızlıq cıyınnarı suğış qırına äylände

Franśiyädäge pensiya reformasına rizasızlıq qırıslıq çarasına äylände

Franśiyädä rizasızlıq cıyınnarı suğış qırına äylände

Protestçılar başqala Parijda kafeğa, svetoforlarğa häm êlektrlı motośikletlarğa ut tertte. Uramnar suğış qırına äylände. Poliśiya töten şaşkası belän cawap qaytardı.

“Anadolu” agentlığı fotoxäbärçese Mostafa Yalçın poliśiya ırğıtqan gaz kapsulasınıň yözendäge bitlegen yırtuı näticäsendä küzennän yaralandı. Üz aňında bulğan Yalçınnıň däwalanuı xastaxanädä däwam itä.

70tän kübräk keşe qulğa alındı.

Qırıslıq waqıyğaları Parij belän genä çikle qalmadı. İlneň dürt ber yağına cäyelgän häm un meňnärçä keşe qatnaşqan uram cıyınnarında poliśiya belän protestçılar arasında bäreleşlär yäşände.

Makron citäkçelegeneň penśiya reformasın protest itkän un meňnärçä keşe il külämendä tormışnı tuqtattı.

Franśiya tarixındağı iň zur êşne taşlaw arqasında timer yulı, hawa yulı, avtobus häm metro êşläwçeläre bilgesez waqıtqa qadär êş taşladı. Sälamätlek saqlaw häm mäğarif tarmağı xezmätkärläre, poliśiya, advokatlar, poçta xezmätkärläre, taksi häm yök maşinasın yörtüçelär belän bergä şaqtıy êş tarmağı çarağa quşıldı.

Parijda 16 metro liniyasınıň 11e xezmät birmi, tiz yöreşle poyezd säfärläre yasala alınmıy. Franśiya hawa yulları säfärläreneň 30% ğamäldän çığarıldı.

Êşne taşlaw çarası arqasında uqu yortlarınıň da 80% yabıq.

Sarı ciletlelär dä qatnaşqan uram cıyınnarı arqasında Êyfel manarası yabıldı.

Hönärçe berlekläre ilne paraliç itkän çaranıň düşämbegä xätle däwam itäçägen açıqladı.

Wazıyfasına kilgännän birle alıp barğan säyäsäte arqasında yış-yış rizasızlıqlarğa maqsat bulğan Makron, êşçe-däwlät xezmätkäre ayırmasın beterep, berdäm pensiya sistemasın ğamälgä kertüne planlaştıra. Bu qısada pensiya yäşeneň 62dän 64kä citkerelüe maqsat itelä.



Bäyläneşle xäbärlär