TRT World Citizen büläklären tapşıru tantanası

TRT World Citizen büläkläre tapşırıldı

TRT World Citizen büläklären tapşıru tantanası

“Qaharmannarnıň barı tik äkiyätlärdä, xikäyälärdä bulmawın, çın keşelär arasınnan çığa aluın isbatlağan isemnärne qunaq itäbez. Däw yöräkläre belän arabızda alar.”

İlbaşı Ärdoğannıň xäläl cefete Äminä Ärdoğan TRTWorld Citizin büläklärenä layıq bulğan aktivistlarnı şuşı cömlälär belän sälamläde. Törkiyäneň “dönyanıň iň yumart ile” bularaq tanıluın äytte.

“İň yumart il bulu başqalarnıň qayğı-xäsrätläre belän köyenä alu dimäk. Törkiyä bularaq humanitar yärdäm mäs’äläsen yärdäm paketlarınnan üzgä ber aňlayış belän qarıybız. Humanitar yärdäm yaňadan tözüne, üseşne häm daimilekne üz êçenä ala.”

TRTneň sośial’ cawaplılıq proyektı TRTWorld Citizin dönyanıň dürt ber yağında başqarğan humanitar êşçänlege belän üzgäreşlärgä ilham bulğan 6 möhim isemne büläkländerde.

“Biredä sanap bulmağan şaqtıy sośial’ cawaplılıq proyektı belän küzdän yıraq totılırğa tırışılğan tormışlarğa qağıldıq, vöcdanlı keşelärgä ilham buldıq.”

TRT İdarä şurası başlığı häm Ğomum mödire İbrahim Ärän global’ humanitar problemalarnıň çişeleşenä öleş kertergä teläwçelärne telgä aldı. TRTneň mediadağı urınına basım yasadı.

“Xäzerge dönya tärtibenä qarşı här uzğan kön tağın da yuğarı tawış belän “dönya biştän zur” dip äytelä. Törkiyä – şuşı zur üzgäreşneň üzägendäge ile. Ğadel, yaňa ber dönyanıň äydäp baruçısı. TRT isä Törkiyäneň däwlät matbuğat organı bularaq yaňa media häm tel salınuında “al’ternativ” tügel, “qoruçı”, “äydäp baruçı” häm “yünäleş birüçe” media oyışması buluda täwäkkäl.”

Tantanada 6 nominaśiyädä büläk tapşırıldı.

“Suğış xatın-qızı” bülägen sośial’ mediada qızı belän yasağan yullamaları belän Xalebtä yäşängän suğışnı dönyağa citkergän Fatemah Alabad aldı.

Pedagog büläge Havva Adäm Möxämmädkä, kommunikator büläge Ahmäd Abu Retaimağa, yäş’lek büläge dä Räygan Jamalovağa birelde.

Yılnıň dönya watandaşı bülägenä layıq bulğan isem isä Äxmät Aziz Wahabzadä buldı.

Büläkne İbrahim Ärän täq’dim itte.

“TRT World Citizen”neň iň däräcäle büläge itep qabul itelgän “Ğomerlek uňış” büläge bıyıl “Tınıçlıq poyezdı” isemle proyektı belän möselman bulğannan soň Yosıf İslam isemen alğan sänğätçe häm aktivist Kêt Stivensqa birelde.

Yosıf İslam bülägen Äminä Ärdoğannıň qulınnan aldı.



Bäyläneşle xäbärlär