Anıtkäberdä Arıslanlı yul

Cömhüriyätebezneň tözüçese, törek milläteneň yulbaşçısı, mäňge särğaskäre Ğazıy Mostafa Kemal Atatörekneň käberenä baru öçen här yıl millionnarça keşe qullanğan, ber ük waqıtta räsmi cıyınnarnıň başlanğıç urını Arıslanlı yul

Anıtkäberdä Arıslanlı yul
Anıtkäberdä Arıslanlı yul
Anıtkäberdä Arıslanlı yul

Cömhüriyätebezneň tözüçese, törek milläteneň yulbaşçısı, mäňge särğaskäre Ğazıy Mostafa Kemal Atatörekneň käberenä baru öçen här yıl millionnarça keşe qullanğan, ber ük waqıtta räsmi cıyınnarnıň başlanğıç urını Arıslanlı yul.

262 metr ozınlığındağı Arıslanlı yulnıň başında Atatörek baqıylıqqa küçkännän soň törek milläte yäşägän tirän qayğını simvolawçı 3 xatın-qız häm 3 ir häykäle urnaşqan.

Yulnıň ike yağında Atatörekneň törek häm Anadolu tarixına birgän ähämiyät küz aldında totılıp Anadoluda zur däwlät tözegän xettlarnıň arıslan stilenä yaraşlı itep utırğan kileş 24 arıslan häykäle tora.

Törek mifologiyasında köç-qodrätne wäkillek itüçe arıslannar torışları belän tınıç tora. Bu törek milläteneň watanına, bayrağına häm bäysezlegenä qağılmağan oçraqta tınıçlıq yaqlı buluın kürsätä.

Arıslanlı yul yaqınça bişär santimetr ara belän asimmetrik itep salınğan taşlardan tora, yulnıň här ike yağında Virginia törendäge ağaçlar tora. Dürt fasıl buyı yafraqları sibelmägän Virginia artışlarınıň utırtıluınıň säbäbe isä biregä kilüçelärne şähär küreneşennän çitläşterep Atatörekne ziyarät itügä äzerläw.

 

Atatörekneň ğaziz mäyete 1953nçe yılnıň 10nçı noyabr’ könne mäňge yatqan urınına törek ğaskäriläreneň iňbaşında şuşı yuldan alıp kiterelgän ide.

“Törek - äsirlekne qabul itmäwçe millät. Törek milläte äsir bulmağandır.”

Mostafa Kemal ATATÖREK



Bäyläneşle xäbärlär