"Ahäd Tamimi bala ğına, anıñ urınına mine alığız"

Keşe xoquqların yaqlawçı advokat Güldän Sönmäz “Ahäd Tamimi bala ğına, anıñ urınına mine alığız” isemle açıq xat belän urtaqlaştı. Sönmäz bu möräcäğat’tä fälästinle qıznıñ mäxkämägä boğawlar belän kiterelüen tänqıyt’läde. Ul barlıq dinnärdä häm ideologiyälärdä xätta suğışnıñ xoquqıy häm äxlaqıy yaqları buluına basım yasıy. “Suğış waqıtında da balalar qağılğısız häm saqlanır. Balalarnı mäxküm itep keşelekkä qarşı cinayät’ êşlisez,”-di ul.  

İZRAİL İLÇELEGENÄ AÇIQ MÖRÄCÄĞAT’

Ahäd Tamimi bala ğına, anıñ urınına mine alığız

Fälästinle qız bala Ahäd ät-Tamimi 18.12.2017 tönendä İzrail’ iminlek köçläre tarafınnan änise belän bergä saq astına alındı. Ul könnän başlap qabat-qabat İzrail’ xärbi mäxkämäsenä çığarıldı. Ahäd ät-Tamimi bala häm grajdanlı. Dön’yada kürelmägän şäkeldä xärbi mäxkämädä xökem itelä. Dön’yanıñ här tarafınnan Ahäd ät-Tamimineñ häm başqa fälästinle balalarnıñ saq astında totıluına qarşı barlıq keşe xoquqları oyışmaları  berlşäşep küp tapqırlar çaralar oyıştırdıq häm yazdıq. Ämma ücätlänep çığarmadılar häm bügen 8 ayğa iregennän mäxrüm ittelär. Ähäd ät-Tamimi, bala buluına qaramastan, mäxkämägä ayaq-qulları boğawlı kiterelde. Bu xäl qıznıñ törmädä nindi möğamälä kürüen añlarğa yärdäm itä.

Balalarğa qağılmağız. Suğışığızda balalarnı qullanmağız. Barlıq dinnärdä häm ideologiyälärdä suğışnıñ xoquqıy hän äxlaqıy tarafı bar. Barlıq dinnärdä suğış waqıtında da balalar qagılgısız bulır häm saqlanır. Keçkenä balalarnı totıp böten keşelekkä qarşı cinayät’ êşlisez.

Sezgä açıqtan-açıq täq’dim itam.  Ahädne çığarığız, mine alığız.

Min İzrail’neñ basıp aluçı buluına ışanuçı häm Fälästinneñ azatlığın teläwçe, Zäñgär Märmär köymäsendä bulğan, İzrail’neñ qanunsızlığına qarşı ütkärelgän barlıq çaralarda qatnaşqan häm şiğar’lär qıçqırğan, İzrail’ tarafınnan “terrorçı” iğ’lan itelgän keşe xoquqları yaqlawçısı. Beläm – sez keşe xoquqların yaqlawçılarnı yaratmıysız häm terrorçı şikelle küräsez. Terrorçı süze minem isememä kileşmi. Min ğomeremne keşe xoquqları häm xaqları öçen köräşügä bağışladım. Ämma sezneñ qanunığız miña “terrorçı” di. Şuña kürä mine totu sezneñ öçen Ahädne totudan qazanışlıraq bulır.

Sezgä açıq möräcäğatem şul: xäzer ük barlıq fälästinle häm säyäsi säbäp belän totılğan yäxüd balaların irekkä cibäregez. Ägär riza bulmasağız, Ähäd ät-Tamimine çığaru häm qabat qulğa almaw şartı belän min täslim bulırğa xäzer. Ul – bala. Alarnıñ yaqlawsız buluınnan faydalanıp suğış qoralı itep faydalanmağız. Dön’yanıñ 4 tarafında barlıq keşelek sezneñ ğamälläregezdän oyala häm sezgä läğ’nät uqıy. Moña êçegez poşarğa tiyeş dip ışanam.

Täq’dimemne qabul itsägez minem belän êlemtägä kerä alasız.

21.03.2018

Advokat Güldän Sönmäz

Keşe xoquqların yaqlawçı