“PKK/KCK” häm “PYD/YPG” mönäsäbäte xaqında illärneñ açıqlawları belän bäyle mäğ’lümat iskärmäse

Bu mönäsäbät turındağı isbatlawlar küp kenä ilneñ küzläw häm iminlek oyışmaları tarafınnan qabul itelgän

911414
“PKK/KCK” häm “PYD/YPG” mönäsäbäte xaqında illärneñ açıqlawları belän bäyle mäğ’lümat iskärmäse

 

 

 “PYD/YPG”nıñ “PKK/KCK” terror oyışmasınıñ Süriyädäge törkeme buluı turındağı isbatlawlar küp kenä ilneñ küzläw häm iminlek oyışmaları tarafınnan qabul itelgän,şaqtıy ilneñ belderülärendä älege organik mönäsäbät turında äytelgän. Bu qısada “PYD/YPG”nıñ terror oyışması buluı häm “PKK” belän organik bäyläneşe buluı turındağı belderülär illär nigezendä tübändägeçä kürsätelä:

Amerika Quşma Ştatları “DEAŞ”qa qarşı köräş iseme astında Süriyädä “PYD/YPG”gä qoral,logistik häm uqıtu-öyrätü yärdäme birgän AQŞnıñ tışqı küzläw xezmäte CIAneñ räsmi internet säxifäsendä “PYD/YPG”,”PKK”/KCK”nıñ Süriyädäge törkeme itep belderelä.

Älege küzläw oyışmasınıñ il tikşerülärendä “PYD/YPG” Süriyädä êşçänlek başqaruçı çit il çığanaqlı terror oyışması bularaq belderelä. Şulay uq “PYD”neñ êlekke liderı Salih Müslimneñ “PKK/KCK”nıñ Süriyädäge wäkile buluı äytelä. AQŞnıñ 11 nçe sentyabr’dän soñ terrorğa qarşı köräştä kiräkle koordinaśiya urnaştıru öçen buldırğan milli antiterror üzäge (NTCT) dä “PYD/YPG”neñ “PKK/KCK”neñ Süriyädäge törkeme buluın qabul itüe dä oyışmanıñ räsmi internet säxifäsendä  urın alğan.CIA häm NTCT tarafınnan qabul itelgän bu belderülär belän bergä Obama däwereneñ saqlanu ministrı Êşton Karter da “DEAŞ” temalı senat cıyılışında “YPG” belän “PKK”nıñ  êlemtäse buluın belderä.  

Monıñ belän bergä 2018 nçe yılnıñ 26 nçı ğıynwarındağı könlek matbuğat brifingında Amerika Quşma Ştatları däwlät departamentı süzçese Xizer Hauêrt Afrin operaśiyäse häm Törkiyäneñ töbäktäge adımnarı belän bäyle yasağan belderüendä töbäktäge “PYD” terror oyışması öçen “YPG” urınına turıdan –turı “PKK” süzen qullana.

Soñraq süzlären üzgärtmägän Nauêrt “Törkiyä Süriyäneñ tönyaq-könbatışında “DEAŞ”tan küzen alıp “PKK”nı qualıy başladı. Anda totrıqlılıq telibez”dip äytä.

AQŞ açıq räweştä yärdäm itkän ,xätta berlektäş bularaq kürgän “PKK” terror oyışmasınıñ Süriyädäge törkeme “PYD”neñ 2013 nçe yılğı NATO cıyılışında terror oyışması itep qabul itelüe ,Amerika Quşma Ştatlarınıñ da bu dokumentnı raslawı bilgele . NATO çığanaqlarınnan alınğan mäğ’lümatqa kürä,AQŞ häm başqa NATO äğ’zaları qatnaşında 2013 nçe yılnıñ iyünendä NATO ştabı urnaşqan Bryussel’dä NATO strategik küzläw dokumentı êşçänlekläre başqarıla.   

Dokumentta “PYD/YPG” “KCK” häm “PKK” belän berrättän terror oyışması itep urın alğan. Amerika Quşma Ştatları  da bu dokumentnı qabul itep räsmi räweştä raslağan. NATOnıñ möhim strategik küzläw dokumentı bulğan MC-160 ta “PYD” “PKK” belän bötenläşkän terror oyışması bularaq räsmi dokumentta terkälgän.

Süriyä demokratik köçläreneñ qorılışı belän bäyle bularaq AQŞnıñ tanılğan töşençä oyışması bulğan Aspen institutınıñ Kolorado ştatında ütkärelgän yıllıq iminlek cıyılışında “PYD” belän bäyle möhim belderülär yasağan AQŞ maxsus köçlär komandirı armiya generalı Raymond Tomas Törkiyäneñ “PKK” terror oyışması belän bäyläneşle itep kürüe säbäbe belän “YPG”gä isem üzgärtergä täq’dim itülären, monnan soñ oyışmanıñ üz isemen “Süriyä demokratik köçläre” itep üzgärtüen belderde.

Tomas isem üzgäreşeneñ “YPG”neñ ışanıçlılığın beraz arttıruın äytte. “YPG” belän “PKK” arasında bilgelängän bäyläneşneñ problema tudıruın “YPG”lelärgä dä äytüen añlatqan Tomas “Üz markaları östendä êşläwläre zarur. “PKK”ga bäyle bulıp qalırğa däwam itsälär mönäsäbätlärdä telänmägän qıyınlıqlar kilep çığaçaq”dip citkerde.

Angliya xökümäte il parlamentı tışqı mönasäbätlär komissiyäseneñ Törkiyä belän bäyle 2016 nçı yılnıñ martında äzerlängän “Basımmı, yaxşırumı ?Törkiyä öçen qarar waqıtı –xalıq ışanıçlıları uñay ingliz rolen xuplıy” isemle 79 bitlek xisapqa birgän cawabında Törkiyäneñ “PKK” qırıslığına qarşı legal’ saqlanu xoquqına iyä buluın belderde. “PKK” terror oyışmasınıñ Böyekbritan patşalığınıñ terror oyışmaları isemlegendä urın aluına işarät itelgän cawapta “PKK”nıñ Süriyädäge törkeme “PYD/YPG” belän bäyle bularaq “YPG” Böyekbritan patşalığınıñ terror isemlegendä urın almıy.

 

Şul uq waqıtta YPGnıñ säyäsi qanatı PYDneñ PKK belän bäyläneşläre borcu tudıra. Bu yünäleştäge xäbärlärgä citdi qarıybız häm PYD belän berarağa kilgändä kön üzägenä quyabız. YPG belän PYDne PKKnıñ terrorçı ğamällärennän yıraq torırğa çaqırabız”,- digän süzlär urın alğan.

Monnan tış, Angliya ilçese Riçard Mur terrorçılıq häm Süriyä belän bäyle ähämiyätle mäs’älälärdä üz fikeren belderde. Ul PKK belän köräştä Törkiyäneñ iñ köçle dustı Angliya buluına basım yasıy. “Bu mäs’älädä mönäsäbätebez açıq: PKK - terrorçı oyışma. PYD dä anıñ belän bäyläneştä. PYDneñ ofisenä kersägez, anda Abdullax Öcalannıñ räsemen kürersez”,-di ul.   

Angliyanıñ Urta Könçığış öçen cawaplı däwlät ministrı Alister Bert isä PKK terrorçılıq oyışması belän PYD/YPG arasındağı bäyläneş turında: “Mönäsäbätlären beläbez. PYD häm YPG belän söyläşkändä PKK belän bäyläneşlären tuqtatuları kiräklegen äytäbez. Ämma monı êşlämilär. Mönäsäbätlärer kürenep tora”,-dip bäyan itte. Şulay uq, Bert: “PKK belän bezneñ bäyläneşebez yuq, ämma bulaçaq bäyläneşlär öçen borçılabız häm PYDne härwaqıt PKK belän bulırğa mömkin böten bağ’lanışlarnı beterergä çaqırabız”,-dip tä östäde.  Monnan tış, Angliyada yäşäwçe S.Ö. isemle keşene Angliya mäxkämäse PKKğa kuşıluı säbäple 21 ayğa törmägä utırttı. Älege keşe ğailäsenä qaldırğan xat häm videoda DEAŞqa qarşı köräşü öçen Kobaniğa kitep PKKğa kerergä cıyınuı turında söyli. Angliya näxkämäse çığarğan qarar da PKKğa bäyle PYD/YPGneñ Süriyädä êşçänlek alıp baruın tanıy.  

GERMANİYA 2018nçe yılnıñ 4nçe fevralendä çıqqan xäbärlärdä Sul partiya räistäşe Katya Kipiñnıñ Germaniyä Mäclesendä süz alıp Törkiyä qorallı köçläreneñ Afrin xäräkäten tänqıyt’läwe häm xökümätneñ bu operaśiyägä qarşı tiskäre mönäsäbät belderergä tiyeşlegen assızıqlawı urın alğan. Moña cawap itep, Germaniya Al’ternativ partiyäse wäkile Pyotr Bıstron Afrinda üterelgän terrorçılar öçen matäm iğ’lan itkän sulçılarğa: “Törkiyä Germaniyä terrorçı bularaq tanığan PPKnıñ däwamçısı YPG belän suğışa. Sez isä marksist PKKlı duslarığıznıñ üterelüe öçen qayğırasız. Zakonsız törkemnärdän aqça cıyıp, qoral alıp PKKğa yärdäm itäsez”,- dide.   

 Bu terrorçı oyışmanıñ simvolı töşerelgän fulyar belän mäcleskä kilülärenä qarşılıq ide. 

GOLLANDİYA  Niderlandnıñ tışqı êşlär ministrı Xalbek Ziylstra 2018nçe yılnıñ 23nçe ğıynvarında Törek qorallı köçläreneñ Süriyädä Afrin töbägendä başlağan “Zäytün botağı” xäräkätenä bäyle belderü yasadı. Ul Berläşkän Millätlär şartnamäseneñ üz-üzeñne saqlaw xoquqı xaqındağı 51nçe mäddäsen küz uñında totıp:”Törkiyägä qarşı açıqtan-açıq höcümnär buldı. Aña üz-üzen yaqlaw öçen êtärgeç citärlek. YPG gönahsız tügel. Niderland xökümäte YPGne berqayçan da yaqlamadı. YPG belän PKK arasında köçle bäyläneşlär bar. PKKnı isä Niderland ta, Awrupa da terrorçı oyışması sanıy”,-dide.    

İSPANİYA PKK/KCK belän PYD/YPG arasındağı mönäsäbätlärne İspaniyadağı ber mäxkämä qararı da raslıy. 2016nçı yılnıñ 27nçe ğıynvarında İspaniya êçke êşlär ministrlığınnan yasalğan belderüdä 8e İspaniya, 1se Törkiyä watandaşı bulğan 9 keşeneñ PKK terrorçı oyışması belän bäyläneştä buluları öçen qulğa alınuların xäbär itelä. Bu şäxeslär Awrupanıñ törle ölkälärennän PKK/KSKnıñ Süriyädäge qanatı PYD/YPGgä äğ’za cıyğan. 2017nçe yılnıñ 23nçe ğıynvarında İspaniya maxsus wäqalätle mäxkämäse qabul itkän ğayepläw qararında şöbhälelärneñ ikeseneñ Süriyädä DEAŞ belän köräşü öçen qorallı öyränü ütüe, PKK terrorçı oyışmasınıñ Süriyädäge däwamçısı YPGgä quşıluları, PKK tarafınnan yünäleş aluçı YPGneñ höcümnärendä aldınğı saflarda aktiv qatnaşuları äytelgän. Bu qarar İspaniya tarafınıñ PYD/YPG belän terrorçı oyışma PKK/KCKnıñ  bäyläneşen qabul itüen kürsätä.       

 



Bäyläneşle xäbärlär