Gülän yalğannarı faş itelde
Matbuğat häm mäğlümat ğomüm mödirlege Gülän belän bäyle tikşerü ütkärde

Terror oyışması atamanı Gülän açıqlawları belän üz-üzen satqan
Törkiyä matbuğat häm mäğlümat ğomüm mödirlege tarafınnan ütkärelgän tikşerü yärdämendä Gülänneñ 15nçe iyul’ könennän soñ çit il matbuğatına yasağan açıqlawlarında söylägän yalğannarı faş itelde.
Matbuğat häm mäğlümat ğomüm mödirlege tarafınnan ütkärelgän tikşerü belän Fätullahçı terror oyışması başlığı Fätullah Gülänneñ 15nçe iyul’ könge tüntäreleş kereşüennän soñ çit il matbuğat oyışmalarına birgän intervyularda söylägän yalğannar häm qapma-qarşı bäyannar açıqlandı. Tüntäreleşkä qarşılıq kürsätkän yözlärçä keşeneñ şähit buluına, meñnärçäseneñ isä yaralanuına säbäpçe bulğan FETÖnıñ Gülän yıllar buyı söylägän yalğannar belän qorılğan oyışma buluı tağın ber tapqır añlaşıldı.
FETÖ atamanı Gülänneñ yalğannarı
FETÖ atamanı Gülän tüntäreleş kereşüennän soñ 16-17nçe iyul’ könnärendä “The Guardian”, “Financial Times”, “Wall Street Journal” häm “The New York Times” kebek aldınğı gazetlarğa birgän intervyularında tüntäreleş kereşüennän cawaplı buluın yäşerü öçen ütkännän bügengä tüntäreleşlärgä duçar qaluın citkerde. Fäqat Gülän 12nçe sentyabr’ könge tüntäreleş xaqında monnan alda oyışmağa bäyle bulğan “Sızıntı” jurnalında urın alğan “Son Karakol” (“Soñğı iminlek bülekçäse”) isemle yazmasında tüntäreleşçe ğaskärilär turında “Xızır kebek yärdämebezgä citeştelär” dip yazdı.
2005nçe yılnıñ 31nçe ğinwar könne “Milliyät” gazetına birgän intervyusında isä Gülän 12nçe sentyabr’ könge tüntäreleş belän citäklägän Känan Ävränne cännätkä layıq bularaq beldergän ide. Gülän 28nçe fevral’ könge Postmodern tüntäreleş barışında 1997nçe yılnıñ 16nçı aprel’ könne Kanal Ddä qatnaşqan tapşıruda tüntäreleşçelärneñ Refah-yol xökümätennän tağın da demokrat buluın äytep, ütkännän bügengä qadär tüntäreleşkä awışlı buluın citkergän ide.
Saylanğan xökümätkä qarata ul waqıtta “Buldıra almadığız, taşlağız” açıqlawları haman da istä bulğan FETÖ başlığı çit il matbuğatına tüntäreleşlärgä duçar qalğan kebek totış kürsätergä tırıştı.
FETÖ atamanı Gülän 16nçı iyul’ könne “The Guardian”, “Financial Times” häm “The New York Times” gazetlarına birgän intervyularında tüntäreleş kereşüe belän bäyläneşeneñ bulmawın äytkän, 17nçe iyul’dä “Wall Street Journal” häm “Vesti TV”ğa yasağan açıqlawlarında isä tüntäreleş kereşüeneñ xökümät sśenariye buluın citkergän ide. Ber-ber artlı öç kön buyı çit il matbuğat oyışmalarına intervyular birgän Gülän tüntäreleş kereşüe belän bäyle bularaq sśenariy buluın açıqlağanğa qaramastan 18nçe iyul’ könne BBCğa birgän intervyuda bu tapqır tüntäreleş kereşüeneñ oppoziśiya partiyalärenä yaqın ofiśerlar tarafınnan çınğa aşırılğan bula alacağı yalğanın söylägän.
FETÖ atamanı Gülänneñ 17-25nçe dekabr köne häm Çişeleş barışı xaqında da oxşaş yalğannar söyläwe birgän intervyularında tağın da yaxşı anlaşıldı. Monnan alda 17-25nçe dekabr’ barışı qısalarında oyışma başqarğan qanunsız tıñlawlar belän bäyläneşläreneñ bulmawın beldergän Gülän 17nçe iyul’ könne “Wall Street Journal”ğa yasağan açıqlawında isä ilbaşı Räcäp Tayyip Ärdoğan turında mäğlümat ala aluın äytep, üz-üzen faş itte. Şul uq xäbardä FETÖ başlığı 17-25nçe dekabr’ könnärendä yasalğananrnıñ AQŞ häm Germaniya yäşeren xezmätläre tarafınnan başqarıla alınacağın da citkerep, üzen aqlarğa tırıştı.
15nçe iyul’ könge tüntäreleş kereşüennän bügengä qadär här forsatta Pensilvaniyadağı yort qapqaların çit il matbuğatına açqan FETÖ başlığı 17-18nçe iyul’ könnärendä CNN häm “Wall Street Journal”ğa birgän intervyusında Çişeleş barışı xaqında xıyanät barışı dip belderde.
Fäqat Gülän monnan alda 2014nçe yılnıñ 27nçe ğinwar könge BBCğa birgän intervyusında isä Çişeleş barışı qısalarında ütkärelgän söyläşülärgä qarşı bulmawın häm xuplawın citkergän ide. Oxşaş räweştä Ğiraqtağı NRT kanalına 4nçe avgust könne birgäñ intervyuda isä Gülän monnan alda Çişeleş barışına oxşağan 10 maddälek täqdimne xökümätkä citkerüen, läkin kire qağıluın äytep, NRT kanalı qarawçıları bulğan kördlärgä qarata qotırtuçı süzlär qullandı.
FETÖ atamanı Gülän iğtibar cälep itüçe räweştä monnan aldağı wäğazlärendäge din êşleklese imidjınnan çıqqan kebek kürenä ide. Barlıq wäğazlärendä diyärlek çalma kigän Gülän çit il matbuğatları belän oçraşuında pidjak kide häm yortnıñ iñ yäm’sez bülmälären töşerergä röxsät birep, üzeneñ häm FETÖnıñ tüntäreleş kereşüe belän bäyläneşe yuq kebek ğadi bulıp kürenergä tırıştı.
Yalğannar belän qorılğan tormış
FETÖ atamanı Gülän çit il matbuğatına yasağan açıqlawlarında tüntäreleşkä duçar qalğan, tınıçlıq yaqlı, dialog urnaştıruçı, eçkerse din êşleklese kebek kürenergä tırışsa da, xäzergä qadär söylägän yalğannarınıñ faş itelüenä kirtä quya almadı.
Törkiyä soñğı yıllarda kiçergän kritik barışlarına qatışudan taypılmağan FETÖ xäzergä qadär 28nçe fevral’ Postmodern tüntäreleşe, Ergenekon, Balyoz, Tahşiyä kebek säyäsi häm yuridik barışlarda däwlät oyışmalarına ütep kergän äğzaläre yärdämendä meñnärçä keşeneñ törmägä utırtıluına säbäpçe buldı. 15nçe iyul’ könge tüntäreleş kereşüe isä oyışmanıñ pıçraq häm qanlı yözen bar dönyağa kürsätkän iñ açıq barış buldı.
Gülänneñ totnaqsız açıqlawları
1- 2016nçı yılnıñ 16nçı iyul’köne “Tüntäreleş kereşüenä bäyläneşem yuq, tüntäreleşlärgä qarşı min.” Guardian, Financial Times, New York Times
2016nçı yılnıñ 17nçe iyul’ köne “Tüntäreleş däğwası – sśenariydır. Xärbi bülekne çistartu öçen üzläre êşkä kereşkänder.” Wall Street Journal, Vesti TV
18nçe iyul’ 2016 “Oppoziśiya partiyase tarafdarları başqarğan bula ala. Millätçelär bula ala.” BBC World, Spiegel Online
18nçe iyul’ 2016 “Bezgä yaqın, milli xis-toyğıları bulğan saf keşelär bu kereşügä aldanğan bälki.” BBC World, Spiegel Online
2- 16nçı iyul’ 2016 “Tüntäreleşlärgä qarşı min. Demokratiyağa, saylawğa ışanam.” Guardian, Financial Times, New York Times
30nçı sentyabr’ 1980 “Ömetebez betkän waqıtta Xızır kebek yärdämebezgä citeşkän törek ğaskäriyenä tağın ber qat salam biräbez.” Sızıntı Dergisi
31nçe ğinwar 2005 “12nçe sentyabr’ könge tüntäreleşne başqarğan Känan Ävrän cännätkä küçä ala.” Milliyet
16nçı aprel’ 1997 “28nçe fevral’ könge tüntäreleşne çınğa aşırğan ğaskärilär tağın da demokrattır…Refah-Yol xökümäte buldıra almadığız, kitegez.” Kanal D
3- 16nçe iyul’ 2016 “AQŞ bu uyınğa quşılmas, zamanca xoquq belän êş başqarır.”
18nçe iyul’ 2016 “İldän quıludan qurıqmıym, AQŞ şundıy qarar qabul itsä, şulay bulır. Xalıqara komissiya qorılsın häm tikşerse.” Spiegel Online
4- 27nçe ğinwar 2014 “Çişeleş barışı söyläşülärenä qarşı tügelmen.” BBC
17-18nçe iyul’ 2016 “Çişeleş barışı xıyanätter, oyışma 2-3 yıl buyı şähärlärgä qoral urnaştırdı. Bolar bitaraf qaldılar. Xäzer isä könçığışnı xäräbälärgä äyländerdelär… Törkiyäne bülüne planladılar.” The Wall Street Journal, CNN
4nçe avgust 2016 “Körd mäs’äläse belän bäyle bularaq bezdä 10 maddälek tekstnı ilbaşına tapşırdıq, fäqat kire qağıldı. Könçığış qan külenä äwerelde.” NRT
5- 17-25nçe dekabr’ 2013 “Qanunsız tıñlawlarğa qatışıbız yuq”
17nçe iyul’ 2016 “17-25nçe dekabr’ barışınnan alman häm Amerikan yäşeren xezmätläre cawaplı bula ala.” Wall Street Journal
Bäyläneşle xäbärlär

Afrikanıñ kümer krizisına totrıqlı çişeleş
Yäşel kümerne citeşterü barışı, östenlekläre häm iq’tisadi üseş potenśialı