Dönya matbuğatında Gülän

Dönya matbuğatı belän bäyle tikşerü ütkärelde

552320
Dönya matbuğatında Gülän

Könbatış matbuğatı Gülän faydasına añ-fiker buldırırğa tırışa

Dönya matbuğatında Fätullahçı terror oyışması/parallel’ däwlät qorılışı başlığı Fätullah Gülänneñ niçek itep tanıtıluı belän bäyle bularaq Ğammäwi mäğlümat çaraları ğomüm mödirlegebez tarafınnan yasalğan tikşerü ayıruça könbatış häm AQŞta ğayepsez süzlär belän Gülän faydasına añ-fiker buldıru tırışlığın kürsätte.

“Üzixtiyari sörgen”nän alıp “tatlı telle”gä qadär könbatış matbuğatında qullanıluçı süzlär

“Dönya matbuğatında FETÖ liderı” isemle xäbär analizı qısalarında 1nçe may-9nçı avgust könnärendä 126 çit il gazetı häm jurnalı, 21 televideniye kanalı häm 15 çit il xäbär agentlığı, 2 meñ 726 xäbär tikşerelde.

AQŞ matbuğatında terror oyışması başlığı Gülänneñ “layıqlı yalda bulğan wäğaz söyläwçe”, “üzixtiyari sörgendäge imam”, “tatlı telle”, “populyar”, “77 yäşlek xasta häm qart imam”, “yalğızlıqnı üz itüçe din êşleklese”, “Ärdoğannıñ êlekke berlektäşe” bularaq telgä alınuı öyränelde. AQŞ matbuğatınıñ bu totışı Amerikan räsmi zatları tarafınnan här forsatta berlektäş häm dus il bularaq atalğan Törkiyä häm törek xalqı tarafınnan ike yözlelek bularaq añlaşıla.

Tikşerügä kürä alman matbuğatı Gülän xaqında “Gülän çeltäre”, “Üzixtiyari sörgendäge imam”, “basınqı wäğaz söyläwçe”, “Ärdoğannıñ ğomerlek doşmanı/elekke berlektäşe”, “Pensilvaniya tawlarında yäşäwçe qart häm xasta adäm”, “Afrikada täêsirle cämäğat”, “ağulı yılan” dip äytkän. Alman matbuğatı FETÖnı terror oyışması bularaq kürsätmäw öçen yış räweştä “güya” süzen qullanğan.

Franśiya matbuğatında “êlekke berlektäş”, “sörgendäge wäğaz söyläwçe”, “ruxıy lider”, “75 yäşlek xasta häm arığan keşe” süzläre urın aldı. Törkiyä räsmi zatları franśuz matbuğatınıñ bu totışın terrorçılıqqa qarşı Törkiyä belän yärdämläşü ürnägeneñ kürsätelmäwe bularaq bäyäli.

Angliya matbuğatında isä FETÖ başlığı Gülän xaqında “xarizmatik din eşleklese”, “77 yäşlek dini lider”, “yalğızlıqnı üz itüçe din êşleklese”, “oppoziśiyaçel”, “dinnärara dialog yullamarın yasawçı” süzlär saylandı. “Terror oyışması häm parallel’ qorılış” süzläre isä däğwa kebek kürelde.

Dönya matbuğatı Gülän turında nindi süzlär qullana?

Yaqın Könçığış matbuğatında “Amerikada yäşäwçe din eşleklese”, “zıyalı”, “Afrikanıñ möhim simvollarınnan berse” itep taswirlanğan Gülän İran matbuğatında “İran İslam Cömhüriyäteneñ qatı oppoziśiyaçele”, “sörgendäge din êşleklese”, “tüntäreleş kereşüen oyıştıru belän ğayeplänüçe keşe” bularaq telgä alına, FETÖ äğzase bulğan ğaskärilär turında isä “Fätullah Gülän terror oyışmasına äğza bulğan ğaskäri qarşılıq kürsätüçelär” süzeneñ qullanıluı iğtibar cälep itä.

FETÖ başlığı Gülän Qıtay matbuğatında “Amerikanlaşkan törek din êşleklese”, “dini şäxes”, “sörgendäge oppoziśiyaçel”, İzrail matbuğatında isä “radikal’ İslamçı”, “yäşeren terror oyışması”, “Törkiyädä tuıp üskän sönni din êşleklese”, “sörgendäge möselman wäğaz söyläwçe” bularaq xäbärlärdä urın aldı.

Yaponiya matbuğatı Gülän xaqında “İslam dinen öyrätüçe”, “Gülän mulla”; İtaliya matbuğatı “Sönni imam”, “ber imamnıñ ulı”, “Gülän imperatorlığı”; Hollandiya matbuğatı “xalıqara şirkätlär, belem birü oyışmaları, banklar iyäse täêsirle imam” dip belderde. Körd telendäge xäbärlärdä isä Gülän “İslamğa çaqıruçı”, “Ärdoğan däwläten cimerä alaçaq berdänber köç”, “Kördlärgä qarşı çığuçı”, “Parallel’ oyışma liderı” bularaq kön tärtibenä kiterelde.

FETÖ atamanı turında Rusiyä matbuğatında “serlär belän tulı din êşleklese”, “Törki illärdä İslam mäktäpläre çeltären qorğan keşe”, “Gülänneñ imperatorlığı”, “İlbaşı Ärdoğannıñ räximsez köndäşe”; Greśiya matbuğatında “Törek liderınıñ säyäsi häm ruxıy yaqtan barlıqqa kilüendä bilgeläwçe rol uynawçı Gülän”, “Könbatış tarafdarı totışı belän konservativ İsmali nigezlärne berläşterüçe”; Soğud Ğaräbstanı matbuğatında “Terror oyışması liderı”, “tüntäreleştän cawaplı totıluçı sörgendäge dini lider”; Misır matbuğatında “Törek din êşleklese”, “Xärbi tüntäreleş kereşüeneñ berençe ğayeplänüçese”, “İslam zıyalısı”; Kipr grek matbuğatında “çiklären küptän uzğan xezmät xäräkäte başlığı” häm Şveśiya matbuğatında “AQŞlı wäğaz söyläwçe”, “Möselman lider”, “sörgendäge İslamçı wäğaz söyläwçe” dip citkerelde.

Fätullah Gülänne “basınqı” itep kürsätergä tırışalar

Fätullahçı terror oyışması/parallel’ däwlät qorılışı soñğı yıllarğa qadär zäkyat, sädaqa, qorban öçen törek xalqınıñ yärdämçellegennän faydalanıp, cıyğan aqçalar belän başqarğan lobiçelek êşçänlekläreneñ könbatış mediasınıñ Törkiyägä qarşı totışına öleş kertüe dä tikşerüdä öyränelgän närsälärdän berse buldı. Şaqtıy könbatış media organı belän oyışma äğzaläre arasında qorılğan yaqın mönäsäbätlär, törle çit il säyäsätçeläreneñ Törkiyägä qarşı xisapnıñ äzerlänüe öçen kürsätelgän matdi yärdämnär isä älege lobiçelek êşçänlekläreneñ tögäl dälilläre bularaq sanala.

Könbatış mediasınıñ monnan alda PKK gäm PYD xaqında çıqqan xäbärlärdä qullanğan süzlären iskä töşersäk, bu totışı törek xalqı öçen ğacäpkä qaldıruçı bulıp kürenmi. PKK häm PYD turında “gorilla”, “körd suğışçıları” kebek süzlärne qullanğan könbatış mediası tağın ber tapqır Törkiyägä qarşı şaqtıy qanunsız êşçänlek başqarğan, yözlärçä keşeneñ ğomeren özgän, meñnärçäsen yaralağan FETÖ häm başlığı Fätullah Gülän turında “basınqı” süzlär tabarğa tırışa.

Ğomüm mödir urınbasarıbız Äkräm Okutan älege tikşerüebez belän bäyle bularaq Anadolu Agentlığı xäbärçesenä intervyu birde. Okutan tikşerü yärdämendä çit il matbuğatına çağılğan xäbärlärneñ FETÖnıñ çınlıqta kemnärgä xezmät kürsätüen belderep, çit il matbuğatınıñ Törkiyädä demokratiya turında süz barğanda bitaraf qaluın açıqladı.

 



Bäyläneşle xäbärlär