"İñ küp zıyan kürüçe - Güländer"

İbrahim Kalın “Daily Sabah” gazetına mäqalä yazdı

548949
"İñ küp zıyan kürüçe - Güländer"

İlbaşı idaräse ğomüm särqätip urınbasarı häm süzçese İbrahim Kalın Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüeneñ törek xalqın ğacäpkä qaldıruçı häm ömet birüçe räweştä yaqınaytuın äytte.

Kalın “Daily Sabah” gazetına “Törkiyä berdäm bulğanda tüntäreleştän iñ küp zıyan kürüçe Gülän buldı” isemle mäqalä yazdı.

Qayber dairälärneñ kötkännäreneñ kiresenä tüntäreleş kereşüeneñ säyäsi yäisä iqtisadi krizisnı kiterep çığarmawın xäterlätkän Kalın: “Kiresençä yaña milli berdämlek häm säyäsi kileşü üzañı barlıqqa kilde. İstanbulda Yänikapıda Törkiyäneñ här poçmağınnan millionnarça keşe qatnaşında oyıştırılğan il tarixındağı iñ zur miting bu yaña ictimaği häm säyäsi kileşüneñ ap-açıq kürsätkeçeder,” – dide.

Kalın mäqaläsen tübändägeçä däwam itterde: “7nçe avgusttağı mitingta bik köçle räweştä kürsätelgän yaña kileşü däwlät oyışmalarına ütep kerü kereşülärenä qarşı ütä kürenmälek, köçle rux häm cawaplılıq nigezlärendä qorıldı. Säyäsi qaraşı nindi bulsa da, Törkiyädäge härkem nıqlı häm yaxşı êşçänlek kürsätüçe demokratiyaneñ töp faktorları bularaq bu nigezlärne cirenä citkerü mäs’äläsendä berläşte. Fätullah Gülän häm şäkertläreneñ yıllar buyı üz keşelären däwlätneñ kritik barlıq urınnarına urnaştıru maqsatı belän bu nigezlärne bozuı häm ayawsız räweştä qullanuı xaqında ğomüm qaraş turında süz bara. Däwlätneñ imtixan sorawların urlap, tuğrı uquçılarına birdelär, armiya, poliśiya häm xökem organnarındağı oppoziśiyaçellärennän qotılu öçen yalğan dälil kürsättelär häm köndäşlären xurlap, alarğa qara tap töşerü öçen matbuğatqa dokument kertep, tap töşerü kampaniyase oyıştırdılar”.

Fätullahçı terror oyışması/parallel’ däwlät qorılışınıñ Törkiyädä ayıruça 2008 häm 2013nçe yıllar arasındağı iñ yaqtı çorında härkem mixnäten çikkäne öçen ilneñ monnan tuyuın beldergän Kalın: “Xalıq bilgele törkem yäisä totnaqsız imamnıñ mänfäğatlärenä tügel, ä xalıq häm ilgä xezmät kürsätüçe, köçle ruxka tayanğan, açıq, cawaplı citäkçelek teli. Xalıq soñğı 6-7 yılda şaqtıy ğayepsez keşeneñ yäşäyeşen yuq itkän FETÖ qurqınıç töşeneñ betüen teli. Xalıqnıñ xuplawın alğan xökümät tä bu taläplärne qanäğatänderüdä täwäkkäl,” – dide.

Bu yaña barışta asıl zıyan kürüçeneñ Gülän häm anıñ Törkiyädä FETÖ bularaq belenüçe global’ bülegeneñ buluın citkergän Kalın: “Tüntäreleş kereşüe belän Gülän härnärsäsen yuğalttı, şäkertlären, mäktäplären, şirkätläreb, aqçaların häm iñ möhime xuplaw, xörmät häm ışanıçlılığın yuğalttı. Gülän häm şäkertläre xärbi tüntäreleş häm ilbaşı Racäp Tayyip Ärdoğannı şaytan kebek kürsätü belän ilneñ citäkçelegen qulğa töşerä alaçaqların uyladı, läkin Gülän tormışındağı iñ möhim xatası Törkiyä öçen şanska äylände. Törkiyä Gülängä häm anıñ bülegenä qarşı yärdämläşü eçendä berläşte.

Kalın 7nçe avgust könge mitingnıñ xäzergä qadär iñ küp keşe qatnaşqan miting bulu belän ber rättän şul uq waqıtta taşığan simvollar cähatennän dä zur ähämiyätkä iyä buluın açıqladı. Mitingnıñ ilbaşı Ärdoğan, premyer-ministr Binali Yıldırım häm oppoziśiyadäge Cömhüriyät xalıq partiyase liderı Kämal Kılıçdaroğlu belän Millätçe xäräkät partiyase liderı Dävlät Bahçäli häm qalğan partiyalärneñ äğzalären oçraştıruına işarät itkän Kalın: “Barlıq liderlar Fätullahçı terror oyışması/parallel’ däwlät qorılışı oyıştırğan tüntäreleş kereşüe häm xökümätne qulğa töşerergä tırışqan äxlaqsız taktikalarğa qarşı ber ük berlek yullamaların yasadı,” – dide.

Kalın tübändägeçä däwam itte: “Törkiyädä säbäpçe bulğan ülemnär häm cimerülärgä küz salğanda Gülän monnan soñ Törkiyä çitendäge törkemen oyıştıru öçen barlıq çığanaqların häm ut köçen qullanaçaq, şul uq waqıtta aqça sarıf itü, yala yağu kampaniyasen alıp baru häm Ärdoğan belän mäs’äläse bulğan keşe belän ititfaq qoru kebek härwaqıttağı taktikaları belän qabat höcüm itärgä teläyäçäk. Könbatış mediasında 15nçe iyul’dän bügengä qadär alıp barılğan propaganda bu bäyläneştä bäyälänelergä tiyeş. Üzen dini radikalizmğa qarşı basınqı alternativa bularaq kürsätüenä monnan soñ Törkiyädä dä, möselman dönyasında da ışanmıylar. Bu - Gülän könbatışnıñ xuplawın qazanu öçen qullanğan strategiyader. Läkin mondıy eçkersez bulmağan däğwalar möselmannarnıñ ışanıçın almağanda uñışsızdır. Bolar Gülänne barı tik bar dönyada köçlelärneñ qurçağına äyländerä”.



Bäyläneşle xäbärlär