Qazan tatar cämğiyätenä 50 yıl

Törkiyä başqalası Änkarada urnaşqan Qazan mädäniyät häm yärdämläşü cämğiyäte 50 yıllığın qotladı.

417936
Qazan tatar cämğiyätenä 50 yıl

Qazan mädäniyät häm yärdämläşü cämğiyäteneñ 50 yıllığına bağışlanğan kiçä cämğiyätkä nigez saluğa öleş kertkän märxüm millättäşlärebezne ber minutlıq tınlıq belän iskä alu belän başlandı.

Cämğiyät xorı Törkiyä gimnın häm Tuqaynıñ “Tuğan tel” cırın başqardı, akkordeonda tabib Ğayaz Aqçura, skripkada Ziya Däwlätşah uynadı.

Änkara, İstanbul, İzmir, Antalya, Törkiyäneñ başqa şähärlärennän häm Amerika Quşma Ştatları, Kanada, Awstraliya, Finlandiya, Yaponiya kebek başqa illärdän dä qunaqlar kilgän kiçädä Törkiyädä ğomer itüçe tanılğan tatar ğalime Nadir Däwlät, Tatarstannıñ Törkiyädäge wäkile Aydar Ğaşiğullin belän bergä Qazannan Bötendönya tatar kongressı räise urınbasarı Mars Tuqay belän Tälğät Bari, jurnalist Fäniyä Xuciäxmät, bayançı Rinat Wäliyev häm cırçı Çulpan Äxmätcanova qatnaştı.

Tatarstannıñ Törkiyädäge tulı wäqälätle wäkile Aydar Ğaşiğullin Tatarstan İlbaşı Röstäm Miñnexanovnıñ täbrikläw xatın uqıdı.

Änkaradağı tatar cämğiyäteneñ berençe räise Räşit Aygüngä büläk tapşırılğan kiçädä Bötendönya tatar kongressı wäkilläre Kongress başlığı Rinat Zakirovnıñ täbrik xatın citkerde.

Tatar cämğiyäte yäşläre tatar biyülären başqarğan kiçägä kilüçelär xatın-qızlar üzläre äzerlägän çäkçäklär häm pärämäçlär belän sıylandı.



Bäyläneşle xäbärlär