Tanılğan aktrisa bik qatı awırıy

Tanılğan aktrisa, tatar xalqınıñ söyekle şäxese Näcibä İxsanova bik qatı awırıy. “Azatlıq” radiosı xäbär itkänçä, anıñ xäle könnän-kön naçarlana. 82 yäş’lek aktrisanı berdänber qızı Älfiyä Miñnullina qarıy. Ul “İntertat” agentlığına interv’yusında äniseneñ yaqınça 9 ay urın östendä yatuın äytte. Näcibä xanım 2019nçı yılnıñ avgust axırında çirli başlağan.

“Äni xäzer yörmi dä, utırmıy da, qaşıq totıp aşamıy da. Ber keşene dä tanımıy da, söyläşmi dä. Borılıp ta yata almıy, niçek yatqızasıñ –şulay yatıp tora,”-dip söyli Älfiyä Miñnullina jurnalistlarğa. Ul öylärenä keşe qabul itmäwlären, äniseneñ matur kileş istä qaluın teläwen dä citkerä.

Näcibä İxsanova 1961nçe yıldan Kamal teatrında êşli. Tanılğan aktrisa. Rusiyäneñ häm Tatarstannıñ xalıq artistı isemnärenä layıq buldı. Tuqay büläge iyäse.