Ênergiyä cıyıp saqlawda maqsatlar zur

Kön tärtibendä ênergetika-5172024

2220396
Ênergiyä cıyıp saqlawda maqsatlar zur

 Kemder - qazılma, kemder - yañartıla aluçı, ä kemnärder atom-töş ênergiyäse qullana. Ämma özleksez êşläwçe barlıq stanśyälärneñ maqsatı ber. Öylärebezgä ênergiyäne êlektr yäisä tabiğıy gaz bularaq citkerä alu.

Bu citeşterü prośessında iñ nıq iğ’tibarnı cälep itüçe mäs’älä - çığanaqlarnıñ näticäle qullanıluı. Yazın yılğalarda taşu waqıtında gidroêlektr stanśiyäläreneñ citeşterüe arta. Tabiğıy gaz saqlaw ob’yektları isä tovar oçsız bulğan çorda küpläp satıp alıp quyıp êşen ciñelläşterä.

Ênergiyä saqlaw texnologiyäläre  - soraw häm täq’dim balansı nisbätennän qullanılğan iñ ähämiyätle sistema. Şulay itep, ênergiyä citeşterüneñ in tığız waqıtında cıyılıp, qullanu iñ küp bulğan çorda bazarğa çığarıla.

Bu da illärneñ ênergetika iminlegenä zur öleş kertä.

Êlektr ênergiyäsen saqlaw texnologiyäläre 7 töp kategoriyägä bülenä.

Berençese - batareya häm akkumulyatorlar. Alarnıñ litiy-ion, qurğaş - kislota häm nikel’-kadmiy törläre bula.

Tağın ber sistema - termal’ ênergiyä saqlağıçında qoyaş ênergiyäse belän cılıtılğan su yäisä faza üzgärtü materialları qullanıp cılılıq ênergiyäse cıyıla.

İñ küp qullanıluçı 3nçe sistema - mexanik saqlaw sistemaları. Gidrotexnik qorılmalar kinetik yäisä potenśial’ ênergiyäne saqlıy.

Tağın ber saqlaw texnnologiyäse - kompressorlı hawa ênergiyäseneke. Hawa qısıla häm kiräk, bulğanda, cibärelep, annan êlektr citeşterelä.

Sıyıq hawa ênergiyäse saqlaw texnikası, isemennän añlaşılğança, hawanı sıyıq xälgä kiterep saqlaw, soñınnan anı parğa äyländerep ênergiyä alunı täêmin itä.

Böyälärne zur batareyalarğa äwerelderüçe sistema bar. Êlektr citeşterüdä qullanılğan sunı suırtqıçlar yärdämendä kire böyägä taşıylar häm annan qabat ênergiyä citeşterälär.  

Superkondensatorlar isä êlektr ênergiyäsen tiz saqlaw dinamikası belän êşläwçe sistema.

Saqlaw sistemaları, älbättä, barı êlektr belän genä çiklänmi. Bigräk tä, neft’ häm tabiğıy gaznı saqlaw strategik ähämiyätkä iyä. Tik alarnı saqlawda kübräk tradiśion ısullar qullanıla.

Törkiyä xäzerge waqıtta 4,6 milliard kubometr tabiğıy gaz saqlaw mömkinlegenä iyä. Anı 2028nçe yılda 12 milliardqa citkerü küzdä totıla. Şulay itep, yıllıq ixtiyacnıñ 20%ı aldan cıyıp barılaçaq. 2053nçe yılğa isä Törkiyä kiräkle ênergiyäneñ 50%ın saqlıy alırday xälgä kilergä planlaştıra.

Ênergiyä saqlaw industriyäläre cämğıyäte (EDEDER) başlığı Can Toksan äytüençä, Törkiyäneñ êlektr häm uglevodorod nigezle ênergiyä çığanaqların saqlaw mäs’äläsendä yulı açıq. Ul dön’yada batareya citeşterü öçen qullanıluçı litiy karbonatının 80%ınıñ Qıtaydan salıp alınuın äytä. Törkiyädä êlementlar yasaw, êlementlardan modul’lär citeşterü, saqlaw sisteması, batareyalarnı qabat êşkärtü şikelle tarmaqlarda törle şirkätlärneñ mömkinlekläre bar.

“Qıtayğa qarata kertelgän sankśiyälär arqasında, Törkiyägä Awrupada xäzer ixtiyac zur. Bigräk tä ênergiyä tarmağında härkem Törkiyägä yünälergä tırışa. Mondıy wäzğıyät’tä bez forsat êläkterä alabız”,-di Toksan.

Näq’ menä aşege prośessta ähämiyätle çara uzaçaq. Tarmaqnıñ aldınğıları xalıq belän oçraşaçaq. 25nçe dekabr’dä Änkarada “Kiläçäkneñ ênergiyäse häm anı saqlaw kongressı” uzaçaq. Anıñ “Töbäkneñ batareya bazası: Törkiyä” şiğare belän uzuı kötelä.



Bäyläneşle xäbärlär