Awraziya cömhüriyätläreneñ kön tärtibendäge waqıyğalar

“Awraziya qaytawazı” tapşıru tezmäbezneñ bu bülemendä Awraziya cömhüriyätläreneñ kön tärtibendäge waqıyğalarğa tuqtalabız.

Ağımdağı yılnıñ 8nçe oktyabrendä Mäskäw şähärendä Bäysez däwlätlär berlegeneñ sammitı uzdı. Anda Azärbaycan, Belarus’, Qazaqstan, Qırğızstan, Üzbäkstan, Rusiyä federaśiyäse, Taciqstan häm Törekmänstan däwlät başlıqları, Ärmänstan xökümäte räise qatnaştı. Sammit axırında 14 dokument imzalandı. Laçın şähäre 2025nçe yılda Bäysez däwlätlär berlegeneñ mädäniyat başqalası itep saylandı.

9nçı-10nçı oktyabr’dä Kön’yaq Koreya milli parlamentı räise U Von Sik Qazaqstanğa räsmi säfär yasadı. Qunaq Qazaqstan Senatı spikerı Maulän Aşimbayev belän oçraştı. Kön’yaq Koreyadan kilgän räsmi zatnı ilbaşı Qasıym-Comart Toqayev ta qabul itte.

9-10nçı oktyabr’dä Bişkäk şähärendä Törki däwlätlär oyışması Yasalma aqıl forumı oyıştırıldı. Qırğızstan ilbaşı Sadir Caparov ximäyäsendä uzğan çarada däwlät êşlekleläre, akademiklar häm mäğ’lümati texnologiyä belgeçläre qatnaştı. Törkiyä texnologiyä komandası waqıfınıñ popeçitel’lär şurası räise Sälçuk Bayraqtar forumnıñ maxsus qunağı ide. İlbaşı Sadir Caparov anı qabul itte häm Däwlät däräcä premiyäsen tapşırdı.

10nçı oktyabr’dä Törki däwlätlär oyışması qanatı astında Törki däwlätlär Qızıl Ay häm Qızıl Xaç çeltäreneñ imza tantanası uzdı. Anda Törki däwlätlär oyışmasına kerüçe illärneñ Qızıl Ay cämğıyät’läre citäkçeläre qatnaştı.

10nçı -13nçe oktyabr’dä Mongoliya ilbaşı Uxnaagiyn Xurelsux Törekmänstanğa säfär yasadı. Ul älege ilneñ liderı Särdar Bärdemöxämmätov belän oçraştı. Bu Mongoliya däwlät başlığınıñ Törekmänstanğa täwge säfäre bularaq terkälde.

10nçı oktyabr’dä Qazaqstan ilbaşı Qasıym-Comart Toqayev Törekmänstanğa räsmi säfär yasadı. Däwlät başlığı Särdar Bärdemöxämmätov belän söyläşkännän soñ ike il arasında 20 kileşü imzalandı. Liderlar qatnaşında Aşxabad şähärendä Abay Kunanbayev häykälen açu tantanası oyıştırıldı.

11nçe oktyabr’dä Aşxabad şähärendä “Xalıqara waqıt häm śivilizaśiya mönäsäbätläre: zamança dön’ya häm üseşneñ nigeze forumı” ütte. Anda İran, Ärmänstan, Qazaqstan, Qırğızstan, Mongoliya, Üzbäkstan, Paqıstan, Rusiyä, Tacikstan häm Tatarstan däwlät başlıqları, Törkiyä parlamentı räise, Törki däwlätlär oyışması, TÜRKSOY, YUNESKO şikelle xalıqara berläşmälärneñ citäkçeläre qatnaştı. Forum qısalarında ikeyaqlı söyläşülär dä uzdırıldı.     

Ağımdağı yılnıñ 8nçe oktyabrendä Şuşa şähärendä Törki däwlätlär oyışmasına kerüçe illärneñ sälamätlek saqlaw ministrları cıyıldı. Bu 4nçe şundıy utırış ide. Anda “Türktransplant” sistemasın oyıştıru öçen xezmättäşlek protokolı imzalandı.

Törkiyä ilbaşı Räcäp Tayyip Ärdoğan 10nçı-11nçe oktyabr’dä Albaniya häm Serbiyägä säfär yasadı. Ul Albaniya däwlät başlığı Bayram Begay, xökümät räise Êdi Rama, Serbiyä liderı Aleksandr Vuçiç belän söyläşülär ütkärde. Näticädä Albaniya belän - 4, Serbiyä belän 11 kileşü imzalandı.