Tatarstan xäbärläre 32/2024

Änkarada almaşılğan totqınnar arasında tatar jurnalistı Alsu Qormaş ta bar ide

Uzğan atnanıñ iñ möhim waqıyğalarınnan berse, hiçşiksez, tatar jurnalistı Alsu Qormaşnıñ azat itelüe ide.

Törkiyäneñ Milli küzläw oyışmasınıñ äydäp baruçanlığında tormışqa aşırılğan kimendä ikençe bötendönya suğışınnan birle iñ külämle totqın almaşu qısalarında “Azatlıq” jurnalistı Alsu Qormaş ta irekkä çıqtı. 1nçe avgust atnakiçen töştän soñ başqalar belän bergä Änkarağa kiterelgän Alsu törek başqalasınnan AQŞqa yul alğan oçqıçqa küçep utırdı. Anı anda ğailäse – ire, ike qızı qarşı aldı.

“Azatlıq” radiosı beldergänçä, Alsu Qormaş Qazanda üz telägennän tış 288 kön totıldı, şunıñ zur öleşen zindanda uzdırdı diyärgä bula. Rusiyä xakimiyäte anı naxaqqa gäyepläp (гаепләп), yaqınnarı belän dä aralıştırmıy tottı, ike atna êlek şıpırt qına yäşeren mäxkämä oyıştırdı häm 6 yıl yarımğa törmä cäzasına xökem itte.

Ä 1nçe avgustta ber törkem Könbatış illäre häm Rusiyä arasında totqın almaşu ütte, şunıñ näticäsendä Rusiyä yağınnan 16 keşe azat itelde häm alarğa ildän kitü oyıştırıldı. Şular arasında “Azatlıq” radiosı jurnalistı Alsu Qormaş (Алсу Кормаш) ta buldı.

Alsu “Azatlıq”ta 26 yıl däwerendä êşlägän keşe. Anı tatar-başqort redakśiyäsendä (редакциясендә) genä tügel, bar radioda bik yaxşı belälär, çın professional bularaq ta, keşe bularaq ta nıq xörmät itälär. Şuña kürä dä anıñ Qazanda totqarlanuın häm naxaqqa gäyeplänep (гаепләнеп) totıluın xezmättäşläre dä bik awır kiçerde.

Alsu – qızıqlı proyektlarnı (проектларны) uylap tabuçı da, alarnı tormışqa aşıruçı da, här keşene üsenderep cibärüçe dä, keşelärneñ uñışına ixlastan söyenüçe dä, teläsä kem belän urtaq tel tabuçı da”, - dip yaza “Azatlıq” radiosı.

Tatarstan umartaçılarına yärdäm

“Tatarstanda umartaçılarğa yaña yärdäm äzerlänä”, - dip yaza “Şähri Qazan” gazetı:

Tatarstanda umartaçılıqnı üsterü programması proyektı (проекты) äzerlänä.

Programmanıñ töp maqsatı - Tatarstan xalqın sıyfatlı umartaçılıq êşlänmäläre belän täêmin itü.

Älege maqsatqa ireşü öçen proyektta (проектта) xäl itelergä tiyeşle (тиешле) berniçä burıç bilgelängän. Ayırım alğanda, qort ğailäläreneñ saqlanışın häm alarnıñ sanın arttırırğa kiräk.

Monnan tış, tovar balı häm umartaçılıq produktları (bal ikmäge, toma balawız (балавыз), balawız (балавыз) häm başqalarnı) citeşterü külämen üsterü zarur. Bal qortları awıruları belän bäyle bularaq profilaktika häm veterinar-sanitar çaralar ütkärü dä möhim. 

Tatarstanda “Üz telem” bäygese

 “Tatar-inform” agentlığı xäbär itençä, Tatarstanda “Üz telem” bäygeseneñ ciñüçeläre bilgele bulğan.

Tatar telen öyränügä häm tatar mädäniyäten üsterügä bağışlanğan “Üz telem” bäygesenä näticälär yasaldı. Çara Mäğarif xezmätkärläre yortında (йортында) uzdı, dip xäbär itä Qazan şähär xakimiyäteneñ matbuğat xezmäte.

“Öçençe yıl uzdırıluçı bäyge bu yılnıñ 1nçe martında start aldı. Konkursqa Qazanda yäşäwçe (яшәүче) uquçılardan häm yäşlärdän (яшьләрдән) 70tän artıq ğariza kilde. Telne öyränüneñ standart bulmağan, qızıqlı, şul uq waqıtta yäşlär (яшьләр) östenlek birä alırlıq 17 proyekt (проект) avtorı näticädä finalğa çıqtı. Bäygeneñ oyıştıruçıları Qazan şähäre Başqarma komitetı belän berlektä Qazan şähäre Duması deputatı Röstäm Ramazanov telne öyränüneñ iyälängän formalarınnan çitläşep, üzençälekle yaña formatlar täqdim (тәкъдим) itärgä öndägän ide. Oyıştıruçılar tarafınnan tatar mädäniyäten üsterügä bäyle proyektlar (проектлар) da xuplana”, - diyelä (диелә) xäbärdä.

Ciñüçelär üz proyektların (проектларын) 2024nçe yıl axırına qädär (кадәр) tormışqa aşırırğa tiyeş (тиеш) bula, häm kiläse yıl başında äzer proyektlar (проектлар) kiñ cämäğätçelekkä (җәмәгатьчелеккә) täqdim (тәкъдим) iteläçäk.

“Üz telem” bäygese berençe tapqır 2021nçe yılda oyıştırıla. 2023nçe yılda da uñışlı ğına däwam (дәвам) itte.

Mäskäwdä tatar bizänü äyberläre

“Tatar-inform” agentlığı citkergänçä, 21nçe avgustta Mäskäwdä (Мәскәүдә) kollekśioner (коллекционер) häm xalıq kostyumnarı rekonstruktorı Gölşat Nogaybäkova tatar bizänü äyberläre xaqında söyläyäçäk. Bu xaqta Tatarstannıñ Rusiyädäge Tulı wäqälätle (вәкаләтле) wäkilçelege telegram-kanalında xäbär itelä.

Oçraşu Mäskäwdä (Мәскәүдә) Tatarstan mädäniyäte könnäre qısalarında uza. Lekśiyädä (Лекциядә) qatnaşuçılar 19nçı-20nçe ğasır başı zärkän ostalarınıñ ostalığın kürä häm bäyäli ala. Êksponatlar (Экспонатлар) Gölşat Nogaybäkovanıñ şäxsi kollekśiyäsennän (коллекциясеннән) täqdim (тәкъдим) iteläçäk.