Tatarstan xäbärläre 23/2024

Tatarstan häm tatar dönyasındağı qayber waqıyğalarğa qısqaça küzätü

2148655
Tatarstan xäbärläre 23/2024
tatarıstan-gundemı-kiril-kapak.jpg

Qazan-Öfe arası yulçı poyezdı (поезды)

2025nçe yılda Tatarstan başqalası Qazan belän Başqortstan baş şähäre Öfe qalasın yulçı poyezdı (поезды) totaştırırğa mömkin.

“Tatar-inform” agentlığı beldergänçä, kiläse yılda Öfe belän Qazan arasında yulçı (пассажир) poyezdı (поезды) barlıqqa kilergä mömkin.

Başqortstan Däwlät cıyılışı – Qorıltay utırışında xalıq ışanıçlısı Ruzaliyä Xismätullina ike kürşe cömhüriyät başqalaları arasında tiz yöreşle turı passajir poyezdı (поезды) cibärü turındağı mäs’äläne kütärde häm anı perspektivalı proyekt (проект) dip atadı.

Quybışev timer yulınıñ Başqortstan töbäge başlığı urınbasarı Dmitriy Novikov ta anıñ fikere belän kileşte.

«2025nçe–2026nçı yıllarda anı ğamälgä aşırırbız, dip uylıym. Ul könne kürerbez, älbättä, häm ber tön êçendä barıp ta citärbez”, - digän ışanıç belderde spiker.

Törki baş kiyemnäre (киемнәре) kürgäzmäse

Agentlıqnıñ başqa ber yazmasına kürä isä, Rusiyä Federaśiyäseneñ Samara töbägendä törki baş kiyemnäre (киемнәре) kürgäzmäse uzğan.

Samara şähäreneñ “Zarya” (Заря) Mädäniyät yortında (йортында) daimi räweştä (рәвештә) Samara Qul êşe ostaları klubı tarafınnan oyıştırılğan çaralar uza. Ostalar törle kürgäzmälär, lekśiyälär (лекцияләр), master-klasslar ütkärä, biregä kilüçelärne üz icatı belän tanıştıra. Küptän tügel törki xalıqlarnıñ tarixın häm mädäniyäten populyarlaştıruçı Färidä İbrahimova törki baş kiyemnäre kollekśiyäsen (коллекциясен) täq’dim itte. Bu xaqta “Bötendönya tatar kongressınıñ matbuğat xezmäte xäbär itä.

“Dönyada (Дөньяда) 40qa yaqın törki xalıq isäplänä, alarnıñ kübese Rusiyädä häm êlekkege Sovetlar Berlege illäre cirlärendä yäşi. Alar – tatarlar, başqortlar, azärbaycannar, töreklär, üzbäklär, qazaqlar, qırğızlar, yakutlar häm başqalar. Alar arasında törle din wäkilläre oçrıy. Nigezdä, alar – möselmannar, ämma xristiannar da bar. Äytik, Çuvaşlar häm ğağauzlar, ä tuva xalqı Budda dinen tota”, - dip söyläde Färidä İbrahimova.

Borınğı törkilärdä baş kiyemnärenä (киемнәренә) ayırım (аерым) mönäsäbät bulğan. Baş kiyemen (киемен), öygä kergäç, iñ biyek (биек) urınğa quyğannar.

Törki xalıqlarda baş kiyeme (киеме) pasport kebek bulğan.

“Älif” tatar spektakle Törkiyädä

“Azatlıq” radiosı Törkiyäneñ Konya (Конья) şähärendä “Älif” tatar spektakleneñ kürsätelüen citkerä.

Süzsez spektakllärneñ (спектакльләрнең) Xalıqara teatr festivalendä Tatarstan icatçıları tatarlarnıñ ğaräp imläsen yuğaltu faciğäsen (фаҗигасен) kürsätte.

“Älif” Törkiyäneñ Konya (Конья) şähärendä uza torğan festivaldä (фестивальдә) ike kön rättän çığış yasadı. Festivaldä (Фестивальдә) Törkiyä, Azärbaycan, Braziliyä, İran, Kuba kebek däwlätlärneñ teatrları qatnaştı.

Tatarstannıñ “Älif”e – Rusiyädän kilgän berdänber icat berläşmäse. Bu festival (фестиваль) bıyıl unaltınçı tapqır uzdı.

Tamaşada Ğabdulla Tuqaynıñ “Tuğan tel” şiğire (шигыре) kürsätelde. Nurbäk Batulla canlı muzıka häm cırğa biyede.

“Ozın ğomerem xatiräläre” kiçäse

Tatarstanda Çistayda Xatıyp Miñnegulovnıñ “Ozın ğomerem xatiräläre” digän yubiley kiçäse bulğan. Bu turıda “Tatar-inform” agentlığı xäbär itä:

“Çistay şähäreneñ İslam üzägendä tatar ädäbiyatı ğalime, däresleklär avtorı, tänqitçe (тәнкыйтьче), Rusiyäneñ häm Tatarstannıñ atqazanğan fän êşleklese, filologiyä fännäre doktorı, professor Xatip (Хатыйп) Miñnegulovnıñ “Ozın ğomerem xatiräläre” isemle ädäbi-muzıkal (әдәби-музыкаль) kiçäse uzdırılğan. Kiçäne Çistay möxtäsibäte, cirle tatar kongressı, “Aq qalfaq” oyışması, mäğarif bülege oyıştırırğa yärdäm itkän.

 
 


Bäyläneşle xäbärlär