Zäytün yafrağı çäyeneñ (чәeнeң) faydaları

Zäytün yalqınsınunı beterä, qandağı şikär häm yuğarı qan basımın töşerä, ateroskleroznı beterä, qandağı lipid däräcäsen töşerä, söyäk yuğaltunı totqarlıy, germiŝid, antioksidant häm yaman şeşkä qarşı täêsire bar.

Bawırnı saqlıy

Zäytün yafraqları da organizmğa bik faydalı. Zäytün yafraqları bawırnı saqlıy. Ayıruça isertkeç êçemleklärgä bäyle bawır maylanuına qarşı bulışa. Ütkärelgän tikşerenülär zäytün yafrağında bawır maylanuın azaytuçı täêsir buluın kürsätte.

Yöräk-qan tamırları awıruları

Däwamlı (дәвамлы) zäytün yafrağı çäyen (чәeн) êçü qan tamırların çistarta, qan basımın cayğa sala. Qan ağımın tärtipkä kertkäne öçen yöräk öyänäge riskın azayta. E häm C vitaminnarı yärdämendä yöräk sälamätlegen saqlıy, xolesterinnı tözätä.

Zäytün yafrağı çäye insulin rezistenlığın tigezli. Monıñ öçen irtän häm kiç bu çäyne êçü kiñäş itelä.

Şikär diabetınnnan faydalı

Diabet xastalarınıñ da tormış sıyfatın yaxşırta.

Baş miye funkŝiyase (Бaш миe функциясe)

Ütkärelgän tikşerenülärgä kürä zäytün yafrağı çäye baş miye xastalıqlarınıñ başlanğıçın äkrenäytä häm Al’ŝgeymer, Parkinson kebek awırularnı buldırmıy.

İnfekŝiyalärdän (Инфeкцияләрдән) saqlıy

Söyäklärdä barlıqqa kilä alaçaq infekŝiyalärne buldırmıy.

Tän sälamätlege

Küzänäklärne qısqa waqıtta yañarta. Omega mayı kislotalarına bay zäytün yafrağı betçälärne çistarta häm şul uq waqıtta alardan qalğan êzlärne dä beterä. Yara, qızaru, qıçıtuda da bulışa. Yaralarnı mikroplardan çistartuda qullanıla. Bakteriya häm viruslarğa qarşı täêsirle.

Yabığırğa bulışa

Zäytün yafrağı çäye êçäkleklärgä dä faydalı. Şeşenügä qarşı bulışa häm awırlıqnı kontrol’da totuda qullanıla.

Nerv sistemasın saqlıy

Zäytün yafraqları iğtibar citmäw, bozılğan yoqığa qarşı yärdäm itä, üzäk nerv sistemasın köçäytä, aqıl êşçänlegen arttıra.

Çäçlärgä faydalı

Zäytün yafraqları çäçtäge qawaq problemasında faydalı. Yafraqlar çäç tiresendäge küzänäklärne açarğa da bulışa. Şul räweşle çäç tirese tiyeşle külämdä dımlanıp, çäçlär canlanıp, yaltırıy başlıy. Zäytün yafrağı suın çäç tiresenä massaj yasap sörtä alasız. Şulay uq bu suğa zäytün mayı da quşıp bula. Maynı sörtkännän soñ 30 minut totarğa kiräk.

Baş awırtuı

Çäy awırtunı basa häm muskullarnı tınıçlandıra. Muskul häm baş awırtularında bu çäyne êçärgä bula.

Şulay uq infekŝiyalärne beterä. Öske sulış yulları häm sidek yullarındağı awırularda qullanıla.

İmmunitetnı nığıta

E vitaminı häm antioksidant maddälärgä bay bulğan zäytün yafrağı çäye immunitetnı nığıta. Xastalıq riskın kimetä.

Organizmnı çistarta

Êç kipkändä aşqazanın ciñeläytä. Antioksidantlar yärdämendä organizmnı toksinnardan çistarta. Tuqlıq xisen birä.

Zäytün yafrağınıñ tiskäre täêsirläre

Zäytün yafrağı çäyen 6 yäş’tän keçkenälärgä êçärgä quşmıylar. Şulay uq allergiyase bulğannarğa, böyer häm yöräk awırtularında bu çäy tıyıla.

Zäytün yafrağı çäye awırlı häm imezüçe äni keşelär öçen dä risklı bula ala. Qan basımı yuğarı bulğannar, diabet belän çirläwçelär tabibları belän kiñäşläşergä tiyeş.

Operaŝiya kiçerüçelär häm xronik bularaq daru qullanuçılarğa da bu çäydän taypılu zarur.

Çäyne êçkän waqıtta qıçınu yäisä küñel bolğanu küzätelsä, çäy êçüne tuqtatırğa kiräk.

Qayber tikşerenülär yütäl, baş äylänü, aşqazanı awırtuı häm baş awırtu kebek tiskäre täêsirlärneñ dä buluın belderä.

Zäytün yafrağı häm yäşel çäy

Zäytün yafrağı çäye yäşel çäygä yaxşı al’ternativa bulıp tora. Çönki kafeinsız. Şulay uq yäşel çäydäge antioksidant küläme häm C vitaminınıñ zäytün yafrağında kübräk buluı äytelä. 

Zäytün yafrağın niçek saqlap bula?

Zäytün yafrağı çäyen östen qaplawlı itep qorı häm qarañğı urında saqlap bula.

Zäytün yafrağı çäyen niçek peşerergä kiräk?

Monıñ öçen 1 aş qaşığı kipterelgän zäytün yafrağın ber stakan qaynar suğa salabız. 10 minut tönätkännän soñ sözep êçäbez.

Bu çäyne könenä 2-3 tapqır êçärgä yarıy. Täêsirlären kürü öçen kim digändä 2 ay êçärgä kiräk.

İrtänge aşta qara çäy urınına êçä alasız.

Zäytün yafrağı êkstraktı tabletka yäisä kapsula räweşendä dä satıla. Sıyıqça itep tä satıp alıp bula.

Êkstraktnı kiñäş itelgän dozada, könenä 1-2 tapqır 500 mg itep alırğa kiräk.

Avtor – tabib Mäxmät Uçar

Tatarça podkastlar (тавыш язмаларыбыз)