Türkiyädä qabat ilbaşı saylawı uzaçaq

Könüzäk mäs'älälär 39

1991010
Türkiyädä qabat ilbaşı saylawı uzaçaq

Türkiyä 28 may könne qabat ilbaşın saylayaçaq. 14 mayda ütkärelgän İlbaşı häm Parlament saylawlarında berençe turda küpçelek tawışnı Cumhur İttifaqı Parlament öçen cıydı. Däwlät başlığı Ärdoğan isä 49,5%lık tawış belän alda baruına qaramastan 50%nı uza almağanı öçen saylawlar ikençe turğa qaldı. Kemal Kılıçdaroğlu isä barlıq kötkännärgä qaramastan barı tik 44% tawış cıydı. Xäzer ildä qabat saylawlar ütkäreläçäk, saylaw barışı tınıçlıqta uza. Bu wazğıyät’ Türkiyä demokratiyaseneñ niqadär qamil’ buluın kürsätep tora.

14 mayda berençe turı uzğan İlbaşı häm Parlament saylawlarında küp kenä syurpriz da buldı. Ayıruça oppoziŝiya yağında häm anı xuplawçı xalıqara qısalarda zur kötkännär barlıqqa kilde. Kemal Kılıçdaroğlunıñ berençe turda uq däwlät başlığı bulıp saylanaçağı häm Millät ittifaqınıñ da Parlamentta kübräk urın alaçağı däğwa itelgän ide. Läkin bu barı tik qabul itü injeneriyase bulıp qayber manipulyativ anketalarda da yuq ide. Läkin xaqıykät’ barıber urnaştırıldı häm oppoziŝiya berençe turda Ärdoğan häm Cumhur İttifaqı qarşında ciñelde. Törkiyä ilbaşı Räcäp Tayyip Ärdoğan berençe turda Kılıçdaroğlunı yaqınça 2 million yarım tawış belän uzdı , yänä Cumhur İttifaqı Parlamentta kübräk urın aldı, Millät İttifaqı azçılıq wazğıyätendä qaldı häm däğwalarnıñ buş buluın tağın ber qat kürsätte.

Barlıqqa kilgän pandemiya, Ukraina suğışı häm 50 meñnän artıq keşeneñ ğomeren özgän cir teträw fäläkätenä qaramastan ni öçen mondıy näticä çıqtı soñ? İñ êlek Ärdoğan barnärsägä qaramastan Kılıçdaroğlu belän çağıştırğanda törek xalqına kübräk ışanıç birüçe lider, Türkiyäneñ xäzerge iqtisadi problemaların yänä Ärdoğan çişä ala, cir teträw töbäklärendäge tözekländerü häm tözeleş êşçänleklären barı tik Ärdoğan başqara ala. Oppoziŝiyaneñ 6 yaqlı koaliŝiya buluı, ber-berse belän berdäm êş alıp barmaw küreneşe, härnärsädän êlek Kılıçdaroğlunıñ PKK terror oyışmasınıñ säyäsi törkeme bulğan HDP Xalıqlarnıñ demokratik partiyase belän qorğan partnyerlıkka saylawçılar zur reakŝiya belderde. Ärdoğan berençe turda küpçelek tawış cıyğanda Kılıçdaroğlu häm ittifaqı ciñelde. Xäzer ildä 28 may könne saylawnıñ ikençe turı bulaçaq.

Kılıçdaroğlu 180 däräcälek borılış belän millätçe, qaçaqlarğa qarşı totış alıp, çiktän tış uñçı bulğan Ümit Özdağ belän ittifaq qorıp, saylawçılar qarşına çığaçaq. Üze şul uq waqıtta Ümit Özdağ, çiktän tış uñçı häm PKK/HDP tigezlegen totarğa mäcbür. Berençe turda 5%lık tawış cıyğan Sinan Oğan isä Ärdoğannı xuplarğa qarar birde.

Ärdoğan xäzerge säyäsätlärne däwam ittergändä sayawçılarğa Kılıçdaroğlu häm İttifaqınıñ qapma-qarşılıqların kürsätep, üz poziŝiyasen nığıtqan kebek kürenä, şulay uq Parlamentta küpçelek urın aldı. Türkiyä xalqı ğomumän totrıqlılıqqa östenlek birgännän bu da Ärdoğan cähatennän bik köçle faktor bulıp tora.

Avtor - Säyäsi, iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acun



Bäyläneşle xäbärlär