Tanılğan şumerolog Muazzäz İlmiyä Çığ

Dön’yadağı iñ ähämiyätle şumerologlarnıñ berseneñ törek buluın beläsezme?

1914nçe yılda tuğan Muazzäz İlmiyä Çığ şumerologiyä tarmağında böten dön’yada tanılğan fänni êçşänleklärneñ avtorı. Ul – Anadolunıñ bay śivilizaśiya tarixın açıqlaw öçen tözelgän Tel häm tarix-geografiya fakul’tetınıñ şumerologiyä bülemen berençe tämamlawçılardan. Änkara universitetına bäyle fakul’tettan diplom alğanda, Muazzäz İlmiyä Çığqa nemeś ostazı universitetta qalırğa täq’dim itä, tik ul monı kire qağa häm İstanbul arxeologiyä muzeyında êşli başlıy. Älege qarar anıñ tormışında borılış noqtası bula. 1973nçe yılda pensiyägä çıqqanğa qadär ğalimä muzeynıñ çöy yazulı dokumentlar arxivında xezmät quya. Älege arxivtağı 3 ayırım teldä yazılğan, 75 meñgä yaqın taqtanı tärtipkä salu öçen yıllar buyı köç tügä. Muazzäz İlmiyä Çığ şumer, akad häm hind tellärendäge distälärçä meñ yazunı sıynıflandırıp nomerlar quya häm çöy yazulı dokumentlar arxivın tözi. Ğalimä êşçänlek çorı buyı 8 fänni kitap häm bik küp mäqalä yaza.

Muazzäz İlmiyä Çığ isäpsez sanda xalıqara fänni büläklärneñ iyäse. Tikşerenüläre barı Türkiyä tügel, dön’ya tarixında da isemen altın xäreflär belän yazdıra. Ul pensiyägä çıqqannan soñ da êşçänlegen däwam itä häm kiñ uquçı auditoriyäsenä qızıqlı şaqtıy äsär icat itä.  Alarda şumer häm xett tarixın, alarnıñ śivilizaśiyä häm mädäni quymmätlären härkem añlarlıq häm yaratırlıq stil’dä añlata.

Dön’yadağı iñ ozın ğomerle keşelärneñ berse bulğan Muazzäz İlmiyä Çığ 109 yäşendä. Tik ul äle dä Türkiyäneñ yäş’ ruxlı, zıyalı zamandaşı.