Üzäk Aziya illäreneñ ğaräp illäre belän mönäsäbätläre

Uzğan atnalarda Üzäk Aziya illäreneñ ğaräp illäre belän mönäsäbätlärne nığıtaçaq möhim tärqqıyätlär yäşände. Xäzer şularnı qarap uzıyq.

Törekmänstan xalıq mäsläxäte başlığı Ğorbanğulı Bärdemöxämmädov 2023nçe yılnıñ 11nçe-12nçe fevral’ könnärendä Berläşkän Ğaräp Ämirleklärenä räsmi säfär yasadı. Ğorbanğulı Bärdemöxämmädov säfär qısalarında Berläşkän Ğaräp Ämirlekläre İlbaşı Möxämmäd bin Zayid än-Nähyan, Baş ministr urınbasarı Mansur bin Zayid än-Nähyan belän ayırım-ayırım söyläşü ütkärde. Törekmänstan xalıq mäsläxäte başlığı Abu-Dabi üseş fondı, Masdar, Abu-Dabi milli neft’ şirkäte (ADNOC), Abu-Dabi port citäkçeläre belän dä söyläşülär ütkärde. Söyläşülär waqıtında Törekmänstanğa salınaçaq investiśiyälär, ike yaqlı mönäsäbätlär belän bäyle törle mäs’älälär quzğatıldı. Bärdemöxämmädovnıñ säfäre belän bäyle urtaq belderge häm xezmättäşlek memorandumı imzalandı.

2023nçe yılnıñ 19nçı fevral’ könne Berläşkän Ğaräp Ämirlekläre Baş ministr urınbasarı Mansur bin Zayid än-Nähyan Törekmänstanğa säfär yasadı. Aşxabad şähärendä Berläşkän Ğaräp Ämirlekläre Baş ministrı Törekmänstan İlbaşı Särdar Bärdemöxämmädov belän küreşte. Söyläşü waqıtında ike yaqlı mönäsäbätlärneñ xäzerge torışı tikşerelde. Abu-Dabi Milli neft’ şirkäte Törekmänstannıñ Galkınış tabiğıy gaz yatmasında citeşterü başqaraçaq.

2023nçe yılnıñ 21nçe fevral’ könne Törekmänstan İlbaşı Särdar Bärdemöxämmädov Baxreyn patşalığına berençe räsmi säfären yasağan ide. Hawa mäydanında İlbaşı Bärdemöxämmädovnı Baxreyn Baş ministrı Halid bin Abdullah än-Halifä qarşı aldı.

22nçe fevral’ könne Särdar Bärdemöxämmädov Baxreyn patşası Hamad bin İsa än-Halifä belän küreşte. Söyläşü axırında ike il arasında 11 kileşügä qul quyıldı. İlbaşı Bärdemöxämmädovqa Baxreynnıñ yuğarı däräcäle ordenı bulğan İsa bin Sälman än-Halifa ordenı tapşırıldı. İlbaşı Bärdemöxämmädov Baxreyn iq’tisadi üseş şurası citäkçelege belän dä küreşte.

Üzbäkstan İlbaşı Şäwkät Mirziyayıv 2023nçe yılnıñ 20nçe-21nçe fevral könnärendä Misır Ğaräp Cömhüriyätenä räsmi säfär yasadı. Misır İlbaşı Abdülfättah al-Sisi Däwlät başlığı Mirziyayıvne hawa mäydanında turıdan-turı üze qarşı aldı. İlbaşı Şäwkät Mirziyayıv säfärneñ berençe könendä başqala Qahirädä urnaşqan Äxmät Färganineñ häykälen häm Misır däwlät śivilizaśiya muzeyın qaradı.

Üzbäkstan Däwlät başlığı şul uq könne Misır êş dairäläreneñ aldınğı wäkilläre belän küreşte. 21nçe fevral’ könne İlbaşı Şäwkät Mirziyayıvne räsmi qarşı alu tantanası oyıştırıldı. Tantanadan soñ ike il Däwlät başlıqları söyläşü ütkärde. Söyläşüdän soñ bertörkem kileşülärgä qul quyıldı. İlbaşlarınıñ urtaq beldergese qabul itelde. Annan soñ Däwlät başlıqları matbuğat oçraşuın oyıştırdı.

2023nçe yılnıñ 21nçe fevral’ könne Tacikstan tışqı êşlär ministrı urınbasarı Şäräf Şäralizoda Soğud Ğaräbstanı tışqı êşlär ministrlığınıñ Aziya departamentı başlığı Möxämmäd bin Abdülhadi än-Matrafi belän küreşep söyläşte. Söyläşü waqıtında ike yaqlı mönäsäbätlärneñ üsterelüe mäs’äläse quzğatıldı.

2023nçe yılnıñ 13nçe-15nçe fevral’ könnärendä Dubaidä oyıştırılğan Bötendönya xökümät forumında Üzäk Aziya cömhüriyätläre Baş ministr häm ministr däräcäsendä qatnaştı.

Täräqqıyätlärdän kürengäne kebek, Üzäk Aziya illäreneñ ğaräp illäre belän mönäsäbätläre yaxşıra bara, tağın da kübräk üseş ala. İke yaqlı yuğarı däräcäle säfärlär tağın da kübräk häm yışraq ütkärelä. Töbäklär arasında xezmättäşlek arta.

Avtor - Abdrasul İsakov