Nogayşa 05/2022: PAYGAMBARIMIZ HAZRETİ MUHAMMED (as) (I)

Rabbimiz’di tanıtqan,

Üş üyken delil bolgan:

Bîrinşisi, nav käinat,

Ekinşisi,Qur’an bolgan;

Üşünşi üyken delil,  

Hazret-i Muhammed 

Aleyhisselam bolgan...

Hazreti Muhammed’diñ (as),

Paygambar bolganına,

Quday’dıñ ol qulına,

Neşe qıymat bergenine; 

Ondan bizge ne kelse,

Tuvra, üşün bolganına, 

Miñlerşe delil bolgan...

Paygambarımız Muhammed, 

- Salat selam bolsun oga-

Avvel, qılqı yaqşı bolgan! 

Qılqı yaqşı bolganına,

Düşpan tagı şahit bolgan...

Ta Paygambar bolmastan,    

Barı xalq soga sengen...

Nav sebepten bîr atı,     

“Muhammedü’l-Emin” bolgan!

Kîmdiñ amanatı bolsa,    

Aketip soga bergen!

Tilinden bîr dene em,  

Ötürük söz şıqpagan!

Äş bırevge, bîr qayta 

Qızıp qasın şatpagan!

Kîm qasına kelgen bolsa,  

Yalgız iygilik tapqan!

Qılqınıñ baresinde,    

Neşe misal aytılgan...

Sosı misaller üşün, 

“Siyer” degen kitaplarga, 

Kîm qaragan bolsa, 

Yüzlerşe misal tapqan...

Hazreti Muhammmed’diñ,    

-Salat selam bolsun oga-,

Paygambar bolganına, 

Delillerden bîr delil,

Özi qolından şıqqan,    

Miñ mucize bolgan...

Misal bolsa köp bilingen,    

Tanıngan bîr mucizesi,

Ay’dın yarılganı bolgan! 

Barmagınıñ bîr işareti,    

Ay’dı ekige yargan!

Ay’dıñ yarılganını, 

Qur’an em qabar bergen!

Basqa üyken bîr mucize,

Soguslardıñ bîrevinde,

Bîr uvus topraq alıp 

Düşpan betine şaşqan...

Är bîreviniñ közine,

Bîr uvus kirgendey 

Düşpan, közin uvusturup,

Sogıs ornından qaşqan!

Nav yerde bîr aqiqat,    

Aytılganı kerek bolgan:

“So qabarlar tuvrama?” dep 

Eske bîr şüphe kelse;

Ol qabarlardı aytqanlar,   

Avızlarından äş bîr zaman,

Ötrük şıqpas, abıraylı, 

Baresi em ataqlı,

“Sahabe” dep tanıngan,

Sıylı ademler bolgan...

Aytılgan mucizelerge,

Qasiyeti köp biyik,

Tuvra, sıylı sahabeler,

Avvel, özleri inangan...

Eger sosı mucizeler, 

Ötürük bolgay edi, 

Tuvralıqpan ataqlı

Ene sosı sahabeler, 

“Nav aytılgan, ‘üşün’ tuvıl”

Dep qarşı şıgar edi!

Bîzge qabarları kelgen, 

Basqa mucize em bolgan:

Bîr qayta, sogus üşün,    

Yolga tüsüp ketilgende,

Susuz yerden ötilgende,

Paygambar(as)’dıñ ordusu,

Susuz qalıp qıynalgan;   

Atta bazı kisiler,

Tüyelerini kesip

Suvın sıgıp işkenler...

Paygambar’ga aytılganda,

Aleyhisselatü vessalam,

“Qalgan su neşe bolsa,

Bîr qaptın işinde,   

Akeliniz!” dep aytqan...

Qap, qasına kelgende, 

Sosı qaptıñ işine,   

Qolın salıp duva qılgan.

Qolın kerüv şıgarganda,    

Şeşmeden su aqqanday,

On barmagından su aqqan!..

Barı ordu, toygaşe 

Ol suvdan işip qangan;  

Qaplardı em tolturganlar!

Bîr kesegini aytqanımız

Nav mucizeler baresinde,

Bîr köp kitap yazılgan...

Maraq etken kîm bolsa, 

So kitaplar yengilce 

Qol astında tabılgan...

Yogardagı aytılgan  

Sözlerdiñ soñında, 

Bîr aqiqatqa barılgan:

Ol dereceyaqşı qılıq,

Bîr ademde bar bolsa... 

Etken isi är vaqıt, 

Yarasıq, tuvra bolsa...

Aytqan sözi är dayim, 

Baresi “üşün” bolsa...

Sosunlarman barabar, 

Mucizesi minge barsa...

Bilgenimiz so adem, 

Bizge usar kisi bolmas...

Bolsa bolsa ol adem,   

Paygambar’dan basqa bolmas!                  

Savlıqpan qalıñız!

Dr. Yusuf  ALTINIŞIK

Nogayşa 04/2022: MARAZ BİZGE RAHMET BOLGAN (8) | TRT Tatarça

 

Nogayşa 03/2022: MARAZ BİZGE RAHMET BOLGAN (7) | TRT Tatarça